Hello，大家好，我哋係由韓國人每日話你知最新韓國旅行資訊嘅Creatrip。
唔少女仔都憧憬自己嘅男朋友可以好似K-pop男團Oppa咁， 作為男仔嘅你，有冇諗過你都有機會可以將自己打造成oppa咁樣呢？只要大家參考一下以下呢7點K-pop Oppa流行走勢，你都可以成為你女神心目中嘅Oppa啦！
韓國男朋友style
1. 連帽衛衣
連帽衛衣就係最方便快捷將自己打造成oppa必備嘅單品，一件著上身就搞掂！
呢啲衛衣唔單止保暖，仲好時尚，絕對適合秋冬嘅季節。
2. 冇帽衛衣
韓國人會叫呢啲做맨투맨 (Man-to-man)，其實即係冇帽衛衣。
唔少本地韓國品牌，包括Fila，Oioi，MuahMuah等等，除咗連帽衛衣之外，普通冇帽衛衣就係最受韓國oppa歡迎嘅單品！
就好似呢件粉紅色字嘅Champion咁，運動嘅時候著又得，出街嘅時候著都得，想化身做oppa絕對冇難度。
3. 運動服
喺韓國女仔心目中，佢哋都好鍾意自己嘅男朋友著運動服！佢哋會覺得oppa著運動服又型又有男人味。
好似韓國嘅本地運動品牌Nerdy咁樣，都會為唔少韓星打造idol運動服，睇見都想買返套同oppa情侶裝啊！
4. 風褸
風褸就係比人一個成熟紳士嘅風格，如果裡面配搭埋冷衫著仲更加型添！
特別係呢啲卡其色嘅大褸就係每年都流行嘅顏色，絕對唔可以錯過！
5. 白色T-shirt
簡簡單單一件白色T-shirt 配任何衫都非常之襯，更加可以突顯呢件單品嘅魅力。
戴埋帽或者一啲小配飾更加可以展現個人特色，所以不論春夏秋冬都需要買定呢啲白色純色上衣。
6. 恤衫
好多人都覺得襯衫比人一個好formal嘅感覺，但其實只要下身襯返啲causal啲嘅牛仔褲嘅話感覺就完全唔同啦。
配搭返頸鏈都係一個唔錯嘅選擇！
7. 冷衫
嚟到秋冬季，冷衫就係最受歡迎架啦，如果男仔想揀冷衫嘅話，一定要揀返一啲落肩嘅款，著起上嚟會更加有男人味。
鮮黃色嘅針織衫俾人一種樂天派嘅感覺。
針織衫裡面配搭埋襯衫喺入面就係英倫風嘅感覺，女仔見到簡直會覺得你似名校嘅校草添！
大家覺得點樣呢？如果大家都想吸引到你心目中嘅女神，就記得要參考下以上呢啲小貼士啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
