Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國約會
#韓國情侶 #韓國約會文化
相信好多人都有追過韓國浪漫愛情劇，成日睇都覺得好甜蜜咁，不過喺現實生活中又係唔係咁呢？
今日我哋會同大家介紹有關韓國情侶約會嘅文化，有興趣嘅朋友就要繼續睇落去啦！
✨馬上Follow我哋IG
instagram.com/creatrip.hk
韓國約會文化
1. 好多韓國人都會透過相睇 (소개팅) 而發展成情侶
韓國人生活忙碌，佢哋日常生活好難去認識新朋友，所以好多時都會揀相睇。
大家如果有睇開韓劇，無論係上班族定係學生都會成日見到呢啲場面。
相睇好多時都係透過朋友介紹，如果鐘意嘅話會發展成情侶，就算如果對對方無感覺都好，都可以當識一個新朋友。
上班族相睇嘅時候多數都會係1:1，而大學生都鐘意2:2或者3:3咁見面。
2. 如果男女見面超過5次嘅話，就會視為準備約會嘅徵兆
喺韓國有一個概念係「男仔同女仔唔可以成為朋友」，尤其係韓國嘅年青人好注重呢個概念。
如果男女2個有單獨見面幾次以上，其實已經可以當做曖昧緊。
加上韓國人成日都會好快就決定一唔一齊，喺佢哋決定開唔開始拍拖之前，通常大概有5日時間，然後就會落決定。
對於10幾歲嘅年青人嚟講，第二次見面就可以決定拍唔拍拖。
3. 第一次約會要男仔俾錢
雖然冇固定規則話男仔一定要喺第一次約會嗰時俾錢，但係大多數韓國男仔為咗可以打動到對方，都會喺第一次約會嘅時候都會主動俾錢。
不過如果本身大家已經係識得對方，咁韓國男仔多數都會揀AA制，或者男方俾食飯錢，女方就要請飲咖啡。
4. 會一齊約整聯名戶口（存摺）
如果淨係一直得男方俾錢，係唔係有啲唔公平呢？
男方一直俾錢嘅話女方都會覺得唔好意思。
為咗解決呢個問題，好多韓國情侶都會揀一齊開情侶聯名戶口（存摺）。
每個月都會將錢存入情侶戶口（存摺）入面，然後每次出街就用嗰筆錢。
不過根據統計顯示，男方存嘅錢通常都會比女方多少少。
5. 熱門約會地點，投幣式卡拉OK
除咗去Cafe同睇電影之外，韓國情侶都好鍾意去投幣式卡拉OK。
因為價錢平，1000won就可以唱到2至4首歌，而且時間好快過。
6. 隨時隨地都會表達愛意
韓國情侶其實都幾鐘意喺火車、巴士或公共場所公開表達愛意。
唔單止係拖手，有時仲會攬攬或者Kiss...好多嚟韓國旅行嘅人都應該有見過呢啲情景。
有啲人可能會覺得浪漫，但對於某啲人嚟講，可能就會係做得太多........
7. 100日係好重要嘅日子
@yul_08_24喺香港通常會用月份去慶祝紀念日， 而韓國情侶通常會慶祝100日、200日、300日，以100做單位去紀念，所以一到百日，佢哋就覺得好重要。
100日嘅時候韓國男仔都會為女仔準備一個完美嘅紀念日。
有啲情侶甚至會買戒指嚟慶祝或者去一次特別嘅旅行。
8. 男方去軍隊嘅話就要分開1年零8個月
大家都知道所有韓國男仔都要服長達1年零8個月兵役，而可以休息嘅時間非常少，聯絡嘅時間可以話係更加少。
呢段時間女仔都會變得又孤獨又敏感，所以好容易鬧交，然後分手收場。
@dysnap當然亦都有好多情侶可以挨得過，所以男方為咗一直等自己嘅女朋友，喺退伍嗰日會送一對鞋（꽃 신발)俾女朋友。
以上就係韓國情侶約會文化嘅小知識，唔知大家鐘唔鐘意呢類小知識呢？
鐘意嘅話可以留言話俾小編知！我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國情侶同款單品 |  最佳螢幕情侶 |
