Hello，大家好，我哋係由韓國人每日提供最新韓國旅行資訊嘅Creatrip。
韓國霸凌無論係嚴重，有上過新聞，抑或係睇唔見嘅事件，喺韓劇或者電影都會成日睇到嘅相關主題。究竟韓國嘅霸凌問題有幾嚴重呢？小編今日就統一講解俾大家聽。
韓國霸凌數據
根據2018年韓國教育部調查，光州、全南地區嘅小學、國中、高中受到校園霸凌（暴力）嘅學生數量、比例都有增加，係一個不得不正視嘅問題點。雖然危害性命同財產安全嘅減少咗，但同學之間嘅語言暴力、集體孤立等霸凌現象呈現增長。
以光州教育廳為例，小學四年級至高中三年級嘅118,260名學生入面，承認自己受到霸凌嘅學生竟然高達1,895位，相較2017年增長咗成一倍以上。
當中，語言暴力佔咗34.1%、集體孤立23.7%、肢體暴力9.6%、網路暴力8.8%（光州）；全羅道嘅調查結果，語言暴力同集體孤立，竟然高達90.2%。當中接近一半嘅比例，加害人係同班同學。
非首爾地區嘅霸凌情況已經有咁嚴重嘅數據，如果係喺大城市等資訊發達、學生數量更多嘅區域，霸凌嘅現象恐怕係有增無減。
韓國演藝圈霸凌
姜丹尼爾
姜丹尼爾曾經喺節目上面透露，自己以前因為外貌而受到其他人嘅霸凌，好多人都難以想像，由全韓國pick出嚟嘅出道第一名，竟然都遭受過霸凌，呢件事造成韓國社會唔少嘅衝擊。
姜丹尼爾喺KBS《你好，大韓民國》表示，因為小學嗰時生得唔好睇而遭受霸凌，但自己靠著「我雖然生得冇你好睇，但至少跳舞跳得比你好、唱歌亦都唱得比你好」呢種方式，維持並培養自己嘅自信。
劉寅娜
連劉寅娜都曾經喺節目上面透漏，自己細個嗰時因為係練習生，所以允許留長頭髮，喺學校都受到老師疼愛，令其他同學心入面有條刺。
長期嘅霸凌同排擠，冇令到劉寅娜覺得挫敗，反而令佢養成更加樂天、坦然嘅態度。即使被翻出長相截然不同嘅舊照，亦都誠實咁話俾大家知自己係有做手術，性格樂觀嘅佢令喺韓國演藝界嘅名聲越嚟越大。
AOA
前一年南韓演藝圈嘅最大消息，莫過於前AOA團員珉娥，喺instagram上爆料自己受到AOA隊長智珉嘅霸凌，並為止所困十年。呢番消息都掀起南韓社會議論，智珉更加因為呢件事而表示退出AOA。
韓國體育賽事霸凌
平昌冬奧女子滑冰霸凌
平昌冬奧入面，南韓女子競速滑冰代表隊，亦都曾經爆出霸凌事件，雖然團體賽攞咗第七名成績，但最重要嘅團隊合作，喺當時嘅比賽團隊入面完全睇唔到。
競速滑冰團體賽係三人一組，成績係以速度最慢選手為準，但係喺最後一圈賽事嘅時候，金波凜選手、朴枝宇選手自行通過終點線，似乎好似係排擠速比度較慢嘅盧善英選手一樣。金波凜選手同朴枝宇選手喺賽後訪談時表示「成績唔好都係因為盧善英選手滑太慢」，被南韓社會強力抨擊，認為最注重團隊精神嘅運動代表隊，竟然都出現呢種霸凌現象。
呢件事亦令南韓網友好氣憤，向青瓦台請願，將呢兩人踢出國家代表隊，更稱為南韓恥辱，短短三日請願人數就突破50萬人。
即使之後嘅個人賽，金波凜獲得銀牌佳績，喺比賽結束之後，都有向觀眾台行大禮致歉……
女子鐵人三項國手霸凌
上年引發韓國社會輿論熱烈討論嘅係韓國鐵人三項國手崔淑賢（최숙현 音譯）喺6月26號，因為不堪隊內教練、前輩長期虐待而選擇行上絕路，了結咗22歲嘅年輕生命。
目前已曝光嘅資料入面，除咗崔淑賢喺控管體重上唔順利，遭到教練禁食虐待。曝光證據都指出，崔淑賢遭受相當程度嘅毆打同言語暴力，即使佢本人先前已經向體育協會進行舉報，但中心就反覆要求崔淑賢提供相關證明，並冇採取積極保護措施。
甚至崔淑賢當時仲對調查官反問，「呢啲（提出受害證明）係我應該要做？」令人相當心碎。青瓦台連署截止至目前，已超過十萬人連署。而總統文在寅亦都表示關注，全案進入調查階段。
韓國校園霸凌
相信很多人都聽過前幾年，釜山有位14歲少女遭受校園霸凌，成身都係血，下跪求饒。而韓國校園嘅霸凌事實可以為係超乎想像得多，而且無法公開嘅……都係永遠冇辦法睇到嘅真相。
即使學校出面解決，但效果有限，亦因為咁韓國校園出現咗一種「復仇計畫」，由受到欺壓嘅家長俾錢俾一啲外貌凶狠嘅男人，聲稱係受霸凌者嘅親戚，去校園親自處理呢啲事。雖然以惡治惡唔係一件好事，冇辦法真正根治霸凌，但對呢班學生嚟講，呢個可能係最後嘅希望。
韓國職場霸凌
根據韓國心理雜誌所做嘅問卷調查顯示，10位上班族入面就有超過1位以上「幾乎係每日」遭受霸凌；5至6位上班族係「一個月至少一次」遭受霸凌。整體2017年職場虐待調查顯示，高達7成嘅上班族有被霸凌（虐待）嘅經驗。
huginstory.tistory.com
職場霸凌有幾個型態：不當批評、不當責難、差別對待、辱罵、羞辱，除咗呢啲比較明顯嘅霸凌型態之外，睇面色也被稱為係狹義霸凌型態之一（偷偷排擠、無視對方）。
唔單止係令對方做其他事，導至對方無辦法做自己負責嘅業務、甚至仲會將人哋辛苦嘅成果搶嚟邀功、或者將對方邀請至群組之後，再將對方留底，其他人退出群組等十分難堪嘅事。而值得慶幸嘅係，韓國法律亦都針對職場霸凌進行立法，喺2019年07月16日起，明令禁止內部嘅欺負行為……
韓國努力緊...
韓國有個《青少年保護法》去保護犯罪嘅青少年，但似乎呢個法律成為咗校園霸凌加害人嘅保護傘，令佢哋更加肆無忌憚咁進行著恐怖嘅霸凌行為。所以有好多聲音出現，紛紛請求廢除呢條法律相關嘅護短行為。
另外，韓國專家亦都指出，應該由制度改革做起，先至可以令職場霸凌消失；《禁止差別待遇法案》，遭受不平待遇嘅職場霸凌受害人就可以請求損害賠償。
終於喺2019年7月16號起，相關法律正式開始，如果受舉報發生公司內部嘅欺凌行為，必須要進行正式嘅調查、懲戒等等。
今日介紹咗韓國比較嚴重嘅霸凌問題俾大家，喺每個國家應該都存在呢種霸凌事件，但係喺韓國就係特別嚴重，並延伸到青春期、青壯年自殺率超高嘅議題。
多數人都知道，長期以嚟嘅長幼尊卑有序，其實都係造就咗呢啲霸凌嘅根本，除咗立法之外，似乎都冇太多實際作法，可以真正、周全地顧及每個弱勢嘅階級。
小編都希望，永遠唔好再有下個受害者，希望大家都可以將心比心。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
