Hello，大家好，我哋係由韓國人話你知每日最新資訊嘅Creatrip。
平時睇韓劇、電影都會發現唔少角色係飾演學生，不過現實同劇中又一唔一樣呢？我哋一齊嚟了解吓啦！
韓國高中常見學生類型
1. 學生會長 & 班長
相信大家身邊都會有一位好有領導能力同存在感嘅同學，而且成日都會被同學圍住，喺韓國如果成為學生會長或者班長，通常都係超有人氣。不過要真正做到學生會會長或者班長都要得到老師同意，唔單止要有人氣，形象都要乖。
為咗成為學生會主席，好多學生都會自製招牌，宣佈會盡力做到最好，做到之後要代表全體學生發言，處理學校各種事，每日都會好忙，但就算佢哋冇咩時間，成績一樣都可以keep住超高分！
2. 模範生
스카이캐슬
喺課室通常坐頭三排都係模範生，幾時都會見到佢哋喺度溫書同複習，就算連考完試，佢哋都會即刻對答案，無時無刻睇落都好忙咁。
그 해 우리는
就連佢哋搭緊巴士或者地鐵，手上都會拎住一本筆記，邊行邊睇，24小時都會分配好要做啲咩。
3. 女神級同學
사이코메트리 그녀석、 클래식
相信每一間學校每一級都會有一兩個女神級同學，就算每日好早返學讀到夜晚，佢哋幾時睇落都係咁精神同咁靚，通常如果佢哋參加一啲幫手宣傳學校嘅活動，可能都會被星探發掘叫佢加入娛樂圈。
4. 卡比獸
응답하라 1997
唔知大家身邊有冇一位去到邊都要瞓到邊嘅朋友呢，就連返緊學上堂都要瞓。喺韓國，曾經仲有一啲文章係教大家點樣瞓覺唔俾老師發覺。
例如係畫眼影貼紙，揼低頭扮睇書，一隻手托住下巴好似諗緊嘢咁，但其實係瞓緊覺。相信呢幾個方式大家都有可能試過。
5. Lunch Time is My Life
인터넷 커뮤니티、 인사이트
唔知大家以前中學Lunch Time係出去食，定係叫飯盒，抑或係去小食部買呢？韓國通常都會有食堂，之後會寫低每個月食咩，有啲學生仲會用螢光筆整成一本簿，highlight記低每日食啲咩。
通常Lunch Time前一堂，準備落堂嘅10分鐘，大家已經準備好要跑去食堂，甚至通常跑最快都會同食堂阿姨熟啲，俾嘅量都多啲。
6. 體育小子
스물다섯 스물하나
有啲學校會有一個專屬體育部，有啲學生由朝練到晚，見到佢哋着運動衫仲多過校服。
스물다섯 스물하나
對呢啲學生嚟講體育比考試成績更重要。
7. 不良小子/少女 
어쩌다발견한하루
其實喺韓劇見到成日有啲學生會蝦蝦霸霸，現實中其實都會有，通常都係會唔守規矩，甚至坐喺課室最後面。
韓國大學常見學生類型
1. 前輩
大家可能會幻想學校嘅前輩都係好溫暖，而且好體貼識照顧人，不過現實往往都係相反，好難會搵到。
2. 工程系學生
스타트업
多數講到工程系學生，一定係會諗到佢哋着格仔衫，相信大家身邊應該都會有一個。
3. 孫敏秀（跟尾狗）
치즈인더트랩
喺韓國有一句叫做「손민수템」（孫敏秀物品）、 「나 손민수했다」（我做咗孫敏秀），如果講出呢一句嘅係關注咗某人，之後學咗去做啲嘢，就好似之前韓劇《奶酪陷阱》，孫敏秀一直模仿女主角，變到好似唔係自己咁。
치즈인더트랩
首先會跟髮型，之後再跟埋穿搭，完全係將第二個人圖落自己身上，冇咗自己。
4. Free rider
치즈인더트랩
唔好以為做project有team好，有時可能好不幸冇遇着Free rider。
치즈인더트랩
佢哋成日都會以忙做藉口，就算就嚟發表都唔會聯絡到人。
5. 考試期間嘅大學生
考試期間大家都俾心機讀書，返到學好多時會見到大家都著到好Hea，女仔可能有時著運動服之後紮個馬尾/戴帽，之後考完就即刻走。
여신강림
但只要一到考完試，又會見到佢哋化晒妝返學校。
6. 星期一第一堂
한국경제、 MBC 형님이 돌아왔다
好多人喺週末嘅時候，都會玩得開心或者飲太多，第二朝返9點堂完全就係好唔精神，只係帶咗個人返學，身體仲喺張床到。
7. 復學生
유튜브 보물섬
男仔通常喺大一/大二會去當兵，所以之後再返嚟讀書就會係同新生一齊上堂，不過始終唔係同年，一開始難免會覺得孤獨，通常佢哋會同返一齊當兵嘅朋友，或者以前一開始識嘅朋友玩。
唔知大家讀緊中學或大學時，又係邊一Type學生呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
