Hello，大家好，我哋係由韓國人每日提供最新韓國旅行資訊嘅Creatrip。
唔知大家成日睇綜藝有冇留意到「老嘢」（꼰대）呢個字呢？今日想同大家一齊了解吓到底呢個字係咩意思！
韓國「老嘢」文化
咩係老嘢（꼰대）？
게티이미지 코리아
根據韓語研究所標準韓語詞典入面講到，「꼰대（Kkondae）」被定義為「老人」同「老師」，不過最近呢個字被用嚟指老一輩嘅人，習慣將自己經驗去普遍化、證明自己係啱，所以衍生為「老嘢」咁解。
2019年9月23日，BBC喺Facebook將「Kkondae」（꼰대）作為今日單字，解釋為「一個永遠相信自己係啱嘅（但人哋認為佢係錯）老人」。 世界各地網友都表示有同感，仲講到話：「我身邊都有咁嘅人」，分享自己嘅故事。
年輕老嘢（젊은 꼰대）?
치즈인더트랩
不過老嘢呢一個字唔代表一定係形容老人家，而家好多年紀輕輕嘅都會俾人叫佢哋做老嘢，佢哋嘅價值觀通常比較舊，而且階級觀念好重。
런닝맨
呢種現象主要喺大學會見到，不過而家中學生前後輩、喜劇界、娛樂界、模特界都會有，甚至仲會被稱為「軍隊班長（군기반장）」。
不過好多年輕嘅「老嘢」都唔會認自己係，甚至有啲人仲覺得「年輕嘅老嘢比老一輩更有權威」。而「老嘢」文化比較嚴重嘅公司/學校會令人好抗拒，仲有傳聞因為咁有好多人會選擇辭職或者唔返學。
到底「老嘢」（꼰대）呢個字係點嚟？
1. 蠶蛹（번데기）
第一個講法係：蠶蛹喺嶺南方言中被稱為「꼰데기（Kkondaegi）」。加上蠶蛹同老人家一樣有細小皺紋，所以被改為꼰대。
2. 趾高氣昂咁款（곤대짓/곤댓짓）
jtbc 내 아이디는 강남미인
第二個講法係指地位高或權力高嘅一方對低嘅一方趾高氣昂咁嘅款，有啲似係年紀大嘅人強迫或教年輕人要遵守老一輩嘅意思，咁樣會被稱為「老嘢」。
3. Comte（콩테）
法文Comte係伯爵嘅意思，喺日治時期，李完用等親日團體被授予與伯爵、子爵等稱號，1926年《東亞日報》曾用「即使係奴隸，擁有地位就係特權，就好似首爾市政府政治旗幟插喺農村。（지위가 있다는 것은 종 노릇을 해도 호화롭게 서울 대관의 정치기가 시골 머습에게 곤대짓을 하는 격이다）」「Kkondae」呢一個單詞喺韓國似乎好耐之前已經有，喺1960年代，有一個仔偷咗啊媽錢仲講到「千祈唔好話俾Kkondae（指阿爸）知」。
「老嘢」嘅特徵
1. 我嗰陣啊......（나 때는 말이야）
呢個說話有啲似係我哋平時講開嘅「想當年呢～～」咁解，所以好多年輕人都會講笑咁講「鮮奶咖啡係馬（라떼는 말이야）」、「Latte is horse」等，成為一種流行模仿詞。
2. 都係為咗你好炸（다 너 잘되라고 하는 말이야）
呢句說話通常都會喺過年嘅時候聽到，如果隔咗一段好長時間冇見，長輩都會問：「你幾時會搵工啊？」、「幾時結婚？」等問題，雖然都係一個關心，但唔係人人都會想聽，其實咁樣問，聽到嘅人都會有唔少無形嘅壓力。
3. 年紀細就用半語（나이가 어린 사람이라면 처음부터 쉽게 반말하기）
ebs 엄마없이 살아보기
如果喺韓國社會生活，最基本就係要互相尊重，無論係幾大都要用敬語講嘢，不過有啲成年人會持住自己年紀大或者地位高，一開始就其他人講半語。
4. 最近啲小朋友～（요즘 애들은~）
ebs 부모고수다
老嘢最常會以「最近啲小朋友...」做開頭，最後仲會用「我哋嗰個年代都唔會咁」做結尾。
5. 公私不分（공사 구분이 희박하다）
tvN 미생
有啲「老嘢」仲會公私不分，會要求下屬做同職業無關嘅工作，例如要佢出去買嘢、叫後輩幫自己論文搵資料、Plan旅行計劃、沖咖啡、搬屋等。
咩係「反老嘢（역꼰대）」?
지붕뚫고 하이킥
「反老嘢」即係會無視對方建議，佢哋會以粗魯行為強迫他人做反應，就好似而家一啲MZ世代年輕人咁，佢哋都會認為自己諗法先啱，忽視前輩或老闆意見。
測試你係唔係「老嘢」？
講完咩係「老嘢」，而家不如就測試一吓自己係唔係啦！30秒要答完一條問題，最後再數吓自己有幾多個係認同啦！
1. 比起自我滿足，更希望獲得其他人認同。
2. 要同比自己年紀細/後輩講對唔住有啲難。
3. 有時覺得收集其他人意見係浪費緊時間。
4. 認為化妝同衣著都同社會生活有關，所以批評對方嘅化妝衣著係可以接受嘅事。
5. 認為犯錯嘅時候，比起道歉，要收拾殘局先。
6. 就算唔識都會扮識。
7. 就算係已經傾好嘅idea，你唔同意都唔會進行。
8. 認為雖然做得好係可以升職，但都要分先後順序。
9. 如果後輩比自己遲返工會覺得好反感。
10. 認為可以同後輩或者年紀小嘅人講半語。
11. 成日講嘢好似命令人咁。
12. 唔理解點解會有人鍾意追星或者買週邊。
13. 唔鍾意人哋唔集中聽你講嘢。
14. 同意「年紀越大越聰明」呢個講法。
15. 認為年輕人準備考公務員係一種缺乏挑戰精神嘅行為。
16. 即使有樣嘢對自己所屬團體/整體有好處，如果自己需要蒙受損失，都唔會接受/同意。
17. 如果對一樣嘢好奇，會用直覺去解決。
18. 情緒會因為平時工作或者人際關係而起伏不定。
19. 處理一件事嘅時候，比起考慮呢件事嘅具體情況，會更著重原則。
20. 當有問題發生需要解決，會揀最可行嘅方法，而唔係最理想但未必可行嘅方法。
分數結果
5個以下：你絕對唔係老嘢！
스물다섯 스물하나
你絕對冇可能係「老嘢」，因為你做任何嘢之前，都會考慮得好清楚，好怕講錯嘢俾人一種壞印象。
6~10分： 邁向緊做「老嘢」之路
tvN 치즈인더트랩
有時因為你太愛自己，反而忽略或傷害到對方，喺真正成為「老嘢」之前，大家做任何事都應該先諗一諗，咁就唔怕會傷害到人。
11~15個：我講咩你都要聽！
有時就算身邊嘅人俾意見你，你都唔太會想聽，因為覺得以自己經驗處理所有嘢先係最好嘅方法。不過有時每個人都有唔同諗法，要學識尊重。
16個以上：你已經係一位頂級「老嘢」
tvN 신서유기7
如果你有16題以上都認同，代表你已經係一位頂級「老嘢」！好多你以為同你好friend嘅朋友，其實都想避開你，應該要好好記住自己所做嘅一切，要好好反省先唔會有好嘅人離你而去。
以上測試都只係玩吓，千祈唔好太認真！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
