Hello，大家好，我哋係由韓國人每日提供最新韓國旅行資訊嘅Creatrip。
唔知大家平時有冇用開氣炸鍋嘅習慣呢？喺早兩年開始，韓國開始好流行，因為比起焗爐，氣炸鍋焗出嚟嘅嘢食會更加有口感，而且比較少油，食落都會覺得健康啲。今日就想同大家介紹一系列，用氣炸鍋就可以整到簡單韓國小食，本身都鍾意煮嘢食嘅你不妨參考吓食譜啦！
用氣炸鍋整出韓國熱門小食
1. 烤栗子
- 材料：栗子
- 所需時間：180度大約20分鐘（正反各10分鐘）
烤栗子係韓國人好鍾意食嘅街頭小食，而家喺屋企都可以用氣炸鍋整到，將栗子放喺溫水浸20至30分鐘，之後喺表皮刮一刀，放入氣炸鍋入面以180度正反面炸30分鐘，就會食到又香又甜嘅烤栗子！
2. 煎餃
- 材料：冷凍水餃
- 所需時間：180度大約20分鐘（正反各8至10分鐘）
INSTAGRAM：forest452
唔知大家有冇發覺，其實韓國人都幾鍾意食餃子呢？成日喺啲中華料理餐廳會見到嘅煎餃，之後都可以用氣炸鍋整。首先要用啲油搽喺餃子上面，調到180度，炸8至10分鐘，就可以食到外脆內軟嘅煎餃啦！
3. 烤多士皮
- 材料：麵包、奶油、糖，肉桂粉、香芹
- 所需時間：180度大約10分鐘（正反各5分鐘）
INSTAGRAM： 4._.do
食麵包可能有啲人會唔鍾意食麵包皮，呢個時候可以將佢哋切成一條條，之後將佢哋表面搽上牛油，再喺上面撒啲砂糖，正反面180度炸5分鐘就食得！另外除咗砂糖之外，大家可以轉用紅糖、肉桂粉、香芹等，唔同口味都有佢哋嘅特色！
4. 拉麵脆餅
- 材料：拉麵、拉麵調理包、紅糖、膠袋
- 所需時間：180度大約10分鐘（正反各5分鐘）
INSTAGRAM：hyein2ee
將拉麵整成一嚿嚿，先將佢哋正反面用180度炸5分鐘，之後準備膠袋落1/3嘅調味料、紅糖，加埋拉麵一齊撈勻就可以食，當下酒菜一齊食真係一流！
5. Smore Cookie
- 材料：棉花糖、朱古力、餅乾
- 所需時間：180度大約5分鐘
只要將棉花糖同朱古力夾喺兩塊餅嘅中間，再用180度炸5分鐘就得！簡單得嚟又超好味，大人細路一試就會愛上！
6. 炸薯條
- 材料：薯仔、鹽、胡椒、香芹
- 所需時間：180度大約10分鐘（正反各5分鐘）
INSTAGRAM：grace_kimga
有冇諗過試吓自己整薯條呢？可以將薯仔切成條狀，之後放喺水浸20分鐘去除多餘澱粉，等佢乾咗之後就再落鹽、胡椒粉、香芹去調味，正反面炸10分鐘就食得！如果想食得更脆，可以翻多兩至三次。
7. 薯角
- 材料：薯仔、鹽、胡椒
- 所需時間：180度大約15分鐘
INSTAGRAM： _m_o_t_d_
呢個食譜係啱啱介紹嘅薯條可能再簡單啲，可以直接洗乾淨薯仔（唔需要切皮），切成薯角形狀，用180度炸15至20分鐘，最後瀟啲鹽同胡椒去調味就食得。
8. Aussie Cheese Fries
- 材料：薯仔、食用油、莫札瑞拉芝士、車打芝士、煙肉/火腿、香芹
- 所需時間：180度大約20分鐘
INSTAGRAM：cooklin2
Aussie Cheese Fries源自澳洲單詞「aussie」，係澳洲嘅「芝士薯條」，喺韓國嘅「Outback Steakhouse」會見到。
INSTAGRAM：cooklin2
將薯條切成條狀浸20分鐘去除澱粉，等佢乾咗之後搽啲油、鹽、煙肉等，放入氣炸鍋炸20分鐘，趁佢仲熱嘅時候落芝士同香芹，再炸3分鐘等芝士融，就會食到超好味薯條！
9. 烤番薯
- 材料：番薯
- 所需時間：180度大約40分鐘
INSTAGRAM：yinshi_dayday
為咗飲食健康，韓國人好鍾意喺屋企自己烤番薯嚟食，將番薯洗乾淨，放入氣炸鍋用180度正反面各炸20分鐘。
10. 烤芝士番薯
- 材料：番薯、牛油、芝士、蜂蜜、糖漿
- 所需時間：180度大約40分鐘
INSTAGRAM：mollyjjang
覺得只係烤番薯冇咩特別，可以試吓喺番薯上面搽啲蜂蜜或者牛油，正反面炸20分鐘之後，喺中間界一刀，放芝士、牛油、糖漿去調味，再炸10分鐘就會食到超好味嘅調味番薯！
11. 手風琴薯仔/番薯
- 材料：薯仔/番薯、牛油、鹽、蜂蜜、帕馬森芝士、一對筷子
- 所需時間：180度大約20至30分鐘
INSTAGRAM：atelier105
INSTAGRAM：atelier105
呢個食譜用薯仔或者番薯都得，將食材洗乾淨之後，喺薯仔或者番薯下面擺一對筷子，然後將佢哋切成一片片（咁樣切唔會散），而且仲會好靚，甚至仲有人會幫佢改名做手風琴。整完之後將佢哋放喺水浸10分鐘，去除澱粉之後搽想牛油，講個個人喜好着落啲鹽或者香芹，以180度炸20至30分鐘。
INSTAGRAM：atelier105
整完之後可以喺上面淋啲蜂蜜或者落芝士粉，超惹味！
12. 芝士粟米
- 材料：粟米粒、沙律醬、莫札瑞拉芝士、牛油
- 所需時間：180度大約10分鐘
INSTAGRAM：oro_moongchi_mom
喺韓國大家應該都會見過呢一種小食 ，佢係一個超好味嘅下酒菜，首先將罐裝粟米去除水份，將沙律醬、糖、粟米粒以1:1:1比例撈勻，喺上面放芝士，想惹味啲可以加洋蔥同煙肉。
INSTAGRAM：oro_moongchi_mom
炸10分鐘左右就差唔多完成，甜甜地又鹹鹹地，相信大部份人都會鍾意食！
13. Together Creme brulee
- 材料：Together雪糕、蛋黃、糖、噴槍、水
- 所需時間：180度大約15分鐘
呢個食譜要用到韓國嘅雲呢拿雪糕「Together」，可以將佢整成布甸，首先要𢳂一大羹雪糕放喺一個碗度，等佢溶化變成奶昔，之後落蛋黃將佢哋撈勻。
之後將一碗水倒入氣炸鍋入面，再放入啱啱整好嘅雪糕炸15分鐘，整完之後記得要擺入雪櫃雪凍，同時喺上一瀟啲糖，再用噴槍燒表面，就會整成焦糖，口感好特別超好味！
14. 雞蛋糕
- 材料：紙杯、煎餅粉、牛奶、雞蛋、糖、鹽、莫札瑞拉芝士
- 所需時間：180度大約10至15分鐘
INSTAGRAM：wowyuns
雞蛋糕係韓國一款街頭小食，只要將100g嘅煎餅粉、一隻雞蛋同50ml牛奶將佢哋慢慢撈勻，放入倒模1/3（唔需要倒太多，如果唔係就會流出嚟）。
INSTAGRAM：wowyuns
氣炸嘅時候大家可以中間拎一拎出嚟，將半熟嘅蛋黃剪開，同時加自己鍾意嘅調味，再炸10至15分鐘咁就食得。
15. 軟豆烤豆腐
- 材料：豆腐、研豆液、橄欖油、鹽、胡椒
- 所需時間：200度大約20分鐘
INSTAGRAM：by_mandm
呢個食譜被稱為研豆烤豆腐，「研豆（연두）」係一種韓國人喺煮飯時常用調味料，有興趣嘅朋友可以search吓，喺豆腐上面要設成一條條痕，但記住唔好切斷，之後喺上面淋兩匙羹研豆液同橄欖油。
INSTAGRAM：by_mandm
放入氣炸鍋炸20分鐘，拎出黎睇會覺得好似麵包，不過食嘅時候其實都算好清淡，但真係好香同健康。
16. 米紙炸雞
- 材料：米紙、雞胸肉、橄欖油、鹽、胡椒
- 所需時間：180度大約20分鐘（正反各10分鐘）
呢個米子炸雞之前喺sns超多人分享，首先要用鹽同胡椒醃切好嘅一口雞胸肉，之後再將米紙浸喺水入面，之後包雞胸肉。
INSTAGRAM：ordinary_o_o
喺米紙上面搽少少橄欖油，之後放入氣炸鍋用180度炸10分鐘，之後將佢哋翻面再炸10分鐘，無論係就咁食定係點醬都一樣超好味！
17. 烤蝦
- 材料：蝦、牛油、蒜頭、莫札瑞拉芝士、鹽、胡椒
- 所需時間：180度大約10分鐘
有時整海鮮料理真係有啲麻煩，但如果有咗氣炸鍋就會變得好簡單，只要將冷凍嘅蝦去除頭同蝦鬚部份，再用到去切開中間拎走啲腸，之後調味。
INSTAGRAM：ohyumyum
大家可以用牛油同蒜一齊擺喺蝦上面，最後灑啲鹽同芝士。
INSTAGRAM：ohyumyum
之後放入氣炸鍋炸10分鐘，咁就會食到超好味嘅炸蝦啦！
18. 烤五花肉
- 材料：五花肉、鹽、胡椒、肉、配料（大蒜、番茄、蘑菇）
- 所需時間：200度大約30分鐘（正反各10至15分鐘）
INSTAGRAM：s2_eun_je
平時就咁燒五花肉，成日都會彈啲油出嚟或者好大油煙味，不妨試吓用氣炸鍋炸五花肉，一樣都係多汁好味。
INSTAGRAM：s2_eun_je
將五花肉切成網狀，用鹽同胡椒醃30至1個鐘，直接放入氣炸鍋，容易百度查10至15分鐘，翻面再炸。
INSTAGRAM：yamyam.go_od
炸嘅時候仲可以將切口嘅大蒜、蘑菇等一齊放入去，味道會更加香，適合一家大細一齊食。
19. 烤內臟
- 材料：大腸、蔬菜（洋蔥、大蔥、大蒜）
- 所需時間：180度大約10至20分鐘
INSTAGRAM：hashbrown_e
INSTAGRAM：yojoladys2
大家可以先買牛腸或豬腸，解凍之後洗乾淨直接放入氣炸鍋。
INSTAGRAM：1oo392
唔知熟唔熟，可以多翻幾次或者留意吓顏色，如果將大蒜放埋落去一齊炸會更惹味。
其實呢啲用氣炸鍋整嘅小食，做法相當之簡單，之後喺屋企不妨都試吓整啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
