Hello，大家好，我哋係由韓國人每日提供最新韓國旅行資訊嘅Creatrip。
製作組27日通過報道資料表示：「成員同製作組為李光洙下車呢件事進行咗長時間嘅討論，決定尊重李光洙退出嘅意向。」
李光洙嘅經紀公司表示：「李光洙將會喺5月24日最後一次錄製節目，之後退出《running man》節目。」
亦都表示：「因爲係同甘共苦11年嘅節目，所以決定退出都並唔容易，但爲咗喺今後嘅活動中展現出更好嘅面貌，都需要時間去適應。」
OSEN
李光洙由2010年7月11號《Running Man》首播到呢家一直作為元老成員活動。李光洙喺錄製《Running Man》期間，由於出色嘅綜藝感，同以「長頸鹿」、「背叛者」、「亞洲王子」等綜藝形象，而深受觀眾嘅喜愛。
不過因為上年2月嘅交通事故導致腳腕骨折，雖然佢有負傷堅持錄製節目， 由於節目需要不停咁去奔跑同身體對抗，所以先忍痛選擇退出節目。
以下係SBS《Running Man》製作組嘅正式立場全文。
SBS《Running Man》演員李光洙關於下車嘅正式立場。
《Running Man》嘅成員，製作組同李光洙就退出節目進行咗長時間嘅討論，決定尊重李光洙嘅退出意向。
李光洙喺上年交通事故之後，經過腿部康復過程，即使唔係最佳狀態，都懷住對《Running Man》嘅熱愛嘅責任感，一直同時進行康復治療同《Running Man》嘅拍攝。 即使李光洙盡咗力，不過繼續並行係件好難嘅事，成員同製作組都一同表達咗對呢件事嘅苦惱。
雖然成員同製作組想喺《Running Man》入面同李光洙一齊更長時間，不過作爲Running Man成員，李光洙嘅意見都好重要，經過長時間嘅對話之後決定尊重佢嘅決定。 雖然好可惜，不過希望觀衆可以為李光洙同成員溫暖嘅應援同鼓勵，《Running Man》成員同製作組都會爲「永遠嘅成員」李光洙加油。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
