20代夫婦涉嫌虐待女兒致死
20代夫婦涉嫌虐待8歲女兒，臉部、膊頭、腳等身體多處淤青死亡
Hello，大家好，我哋係由韓國人每日提供最新韓國旅行資訊嘅Creatrip。
仁川警察廳女性青少年調查隊喺5號以《關於虐待兒童犯罪處罰特例法》，拘留嫌疑虐待兒童致死嘅A某（27歲）同佢嘅妻子B某（28歲）。仁川地方法院負責拘捕令部長法官鄭又榮當日下午對A某夫婦進行拘留前嫌疑人審問（拘捕令實質審查）之後，以「擔心逃跑或毀滅證據」爲由發佈拘捕令。
喺呢件事之前，A某當日回答記者「係唔係承認嫌疑」嘅提問，話：「承認並道歉。」，跟住又被問到「有冇想同個女講啲咩」嘅時候，佢又回答話：「（對女兒）做咗唔可以做嘅事，感到好抱歉。 爸爸會反省再反省，接受懲罰。」，而B某就冇講過仼何嘢。
A某夫婦涉嫌呢個月2號喺仁川市中區雲南洞某別墅虐待小學三年級嘅女兒C某（8歲）致死。C某臉部、膊頭、腳等身體多處淤青死亡，負責驗屍嘅國立科學調查研究院向警方表示：「全身多處受傷，有必要進一步確認腦部係唔係受損。」
A某喺接受警方調查嘅時候陳述話：「由上年11月開始，喺佢講大話或者唔聽話嘅時候就會進行體罰，但就從未用過手毆打過」，「亦都有唔俾飯佢食嘅情況」。不過佢就全面否認虐待兒童嘅嫌疑，話：「呢個係出於教育目的，喺佢死嗰日冇打過佢。」，而B某就話：「冇虐待過個女」，對所有嫌疑都唔承認。A某陳述嘅時候話，體罰C某嘅時候用咗塑料材質衣架，但警方唔排除用其他犯罪工具或者用手施加暴力嘅可能性。
연합뉴스
聽講事件發生之後，被移交到一間兒童保護機構嘅C某哥哥（9歲）喺接受警方調查時陳述話：「平時見過妹妹俾爸爸打嘅樣。」，B某同前夫生咗C某，並同A某喺2017年7月結婚。
C某兄妹喺開學第一日，即係事件發生當日，甚至由上年5月開始一次都冇去過學校。佢哋喺5年前都因為親父虐待同親母放任，被送到兒童福利設施生活咗近2年。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
