Hello，大家好，我哋係由韓國人每日提供最新韓國旅行資訊嘅Creatrip。
韓國政府3月2號表示，正考慮喺海外國家引入新型冠狀病毒嘅「疫苗護照」。
當日上午，中央事故處理本部防疫總班長尹泰浩，喺新聞發佈會上面被問到係唔係進行緊引進疫苗護照相關嘅討論時，回答話：「韓國國內都以中央防疫對策本部同中央事故處理本部為中心去進行討論。」
尹班長解釋話：「首先進行疫苗接種嘅海外國家引進疫苗護照、發放證明書嘅時候要點樣隔離入境嘅外國人、係唔係會免除隔離等，都需要進行好多討論。」尹班長仲補充：「而家歐洲等外國地方都進行緊討論，而韓國國內都係討論當中，最終實唔實行都仲要有待觀察。」
疫苗護照係國際上通用嘅疫苗接種證明書。 據法新社（AFP）喺3月1號（當地時間）嘅報道，歐盟（EU）執行委員長烏爾祖拉•龐德萊恩（Urzula Pondeirien）通過Twitter表示：「將喺呢個月提出“數碼綠色通行證”法案」，「呢個係爲咗令歐洲人因為工作或者去旅行而喺歐洲境內安全移動嘅方法」。 如果歐盟成員國之間達成協議，將成爲歐盟層面嘅新型冠狀病毒數碼疫苗接種證明書。
喺以色列，「Green Pass」係目前世界上接種速度最快嘅以色列實際用緊嘅疫苗護照個名，接種疫苗之後得到「Green Pass」嘅人先可以出入健身室同游泳場等大衆設施。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com