Hello，大家好，我哋係由韓國人話你知每日最新資訊嘅Creatrip。
韓國已經發布咗《根除學校運動部暴力及體育人權保護體系改善方案》。 今後如果發生學暴事件，體育倫理中心將會調查事實，而文體部同相關團體將會組成協議體對相關事件進行審議。 一旦確認加害事實，將根據嚴重情況去處罰，永久退出、禁賽、社會服務等方針進行制裁。
文化體育觀光部同教育部表示：「到2022年爲止，將會構建各項懲戒信息系統，並通過相關機構協議討論，將《學校暴力預防法》入面有關加害學生嘅運動選手加以管理，同推進《國民體育振興法》等相關法律嘅修訂。」
以排球雙胞胎李在英同李大英為例，受害者透露佢哋過去曾經同同班同學發生暴力衝突。不過過咗咁多年，佢哋已經可以以成功嘅運動員身份繼續生活落去，所以韓國政府準備咗新措施，喺將來選拔職業運動員嘅時候，必須要提交確認冇學暴記錄嘅文件。
特別係職業體育計劃，接受選拔新人嘅時候要確認冇學校暴力嘅誓約書，如果發現有僞造，就會根據誓約書進行制裁。
同埋爲咗可以令飽受學暴折磨嘅學生選手易啲向體育倫理中心舉報，所以韓國政府計劃利用SNS舉報系統，由今個月開始到4月爲止，實行集中申報時間。
除止之外，因為學暴而被退學嘅學生將會被永久取消比賽資格，因學暴而轉校就唔可以參加一年嘅比賽。
副總理兼教育部長劉恩惠表示：「期待通過限制學校暴力加害者參加比賽等方案傳達出“對暴力唔寬容”嘅嚴重信息」，「希望同相關機關合作，通過真誠嘅反省同道歉爲前提去和解，令韓國走向更加成熟嘅社會。」
如果有更多想知嘅內容，都可以隨時留言或者dm話俾我哋知：）
Instagram：creatrip.hk