偶像嘅偶像係邊個?
偶像都會追星？因為去偶像嘅fan meeting而入埋公司做練習生？
Hello，大家好，我哋係由韓國人話你知每日最新資訊嘅Creatrip。
相信大家關注得kpop都一定有自己鐘意嘅偶像，咁大家又知唔知可能你哋嘅偶像都有自己心目中嘅偶像呢？今日小編就同大家介紹5個偶像嘅偶像啦!
1. TXT 太顯 - SHINee 泰民
喺前年太顯就喺VLIVE度提及到自己一直都有關注SHINee，仲會睇泰民嘅紀錄片，喺練習生時期令太顯可以堅持多啲練習嘅動力就係泰民。佢望住泰民一步一步努力達到目標，覺得好有型，令當時仲係練習生嘅佢好有感觸，佢話：「練習雖然係好辛苦好攰，但呢份努力唔會白費，最終都會有結果，好似泰民前輩一樣可以到達自己嘅目標。」
2. Seventeen Hoshi - SHINee
未出道之前，Seventeen就以《仙女座放送》嘅直播頻道亮相，而Hoshi就喺嗰陣時，成日忍唔住就會哼SHINee嘅歌曲，例如《Sherlock》、《Symptoms》、《Fours Seasons》，仲因為唱得太過投入而被成員勝寬出聲制止。另外，佢亦都有提過自己紅咗之後，最想見到嘅人就係SHINee。
3. (G)-IDLE 雨琦 - Super Junior 厲旭
雨琦曾經多次公開表示自己係Super Junior嘅粉絲，其中最鐘意嘅成員就係厲旭。之前喺Super TV綜藝節目入面，被SJ成員認証係真正嘅ELF。而早排有位粉絲就喺直播嗰陣問佢「有冇鐘意嘅偶像」，佢就再一次表示自己嘅偶像一直都係厲旭，仲有提起幾個月前厲旭認愛一事，話「前排有個好唔開心嘅消息」，引起粉絲嘅熱烈討論。
4. BTS 柾國 - IU
就連世界彈柾國都逃唔過IU嘅魅力，柾國就曾經喺某個節目度公開表示過IU係自己嘅女神，更加自爆由出世到而家聽過嘅聲音入面最好聽嘅就係IU，完全係IU嘅頭號粉絲。
5. ITZY 留真 - GOT7
ITZY留真出演MBC標準FM《Idol Radio》嘅時候，公開被經紀公司JYP娛樂挖掘嘅經過。 聽講留真喺出道之前參加GOT7嘅fan meeting，喺現場被JYP娛樂星探挖掘。
DJ榮宰仲有問到：「好好奇你真係嚟睇我哋嘅fan meeting?我哋7位成員你都鐘意？」留真就答話：「喺初中一年級嘅時候就巳經係GOT7嘅粉絲，喺入面揀唔到一位係最鐘意，一鐘意就7位都咁鐘意！」
唔知大家仲知唔知其他偶像嘅偶像呢？歡迎留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
