Hello，大家好，我哋係由韓國人每日提供最新韓國旅行資訊嘅Creatrip。
儘管韓國嘅經濟同文化體系巳經發展得好好，但係由過去到而家，仍然係有啲事令到韓國人敏感，甚至根本唔可以傾呢件事。今日就等小編同大家講吓韓國人有啲咩話題係敏感啦！
1. 韓國同日本之間嘅爭議
到目前為止，好多人都應該知道韓國同日本之間嘅關係係好敏感。唔單止係第二次世界大戰期間嘅慰安婦問題，而且由1592年至1598年持續嘅韓國同日本之間嘅戰爭歷史都係令兩國之間嘅關係好敏感。
儘管戰爭嘅殘酷到而家變成咗歷史，但係喺韓國同日本可能會令一啲韓國人感到尷尬，特別係關於第二次世界大戰慰安婦嘅爭執。最近韓國法院決定爲向受影響人士支付賠償，但係日本就唔批准，令到韓國人好憤怒。
雖然而家喺韓國都有融入一啲日本文化，例如食物、歌曲等，但係有啲韓國人仍然對日本文化抱有偏見，特別係老一代嘅人。
睇之前嘅新聞就可以知道，超過70％嘅韓國人抵制日本產品，小編同一啲韓國朋友傾過計，詢問咗佢對於韓日關係嘅睇法。大部份朋友（27歲以下）都話，佢哋覺得自己好被動，但對一啲上咗年紀嘅人嚟講，如果提到日本，就會好嬲，而且仲會好不滿。
唔好修改韓國文化
K-pop喺世界各地越嚟越流行，韓國嘅飲食，音樂同韓國生活文化都一直被大衆文化廣泛傳播。當然如果有其他國家嘅人聲稱韓國文化係自己嘅文化的話，佢哋就絕對唔會容忍。
之前應該有人聽過中國人話泡菜同韓服係中國嘅文化，而唔係韓國，引起中國同韓國嘅網民對罵。因為係咁，韓國文化部就出面證明朝鮮泡菜同韓服確實都係屬於韓國文化。
文化喺嗰個地區代代相傳，每個人都珍視自己嘅文化係理所當然嘅事。特別係韓國象徵韓服、泡菜等都被大衆文化廣泛傳播，聽到中國人講話係中國嘅文化的話，韓國人當然係會覺得唔開心。
有冇可能統一?
一講到韓國，好多人都會諗起北韓。 雖然南韓同北韓兩個之前都係同一個國家，但而家無論係文化、生活方式、政體、經濟體制同國際主義形象都有好大概變化。如今韓國擁有嘅幾乎係同北韓完全相反，雖然兩個政黨都暫時簽咗休戰合同，但國際邊境相關情況就一直成爲焦點。
早前喺冷戰時期，好多喺南邊嘅人同家人失散到去北邊，仲有一啲北邊嘅人逃亡到南邊，其實朝鮮人同韓國人係有好強烈嘅感情。
不過因為差異越嚟越大，好多韓國人都唔覺得朝鮮人係同胞或者彼此係有關係。小編亦都問咗好多韓國朋友，問佢哋如果有朝一日朝鮮同韓國統一的話有啲咩睇法？
當然，佢哋係表示「唔同意」，係因為佢哋認為朝鮮同韓國而家巳經好唔同。即使統一的話喺道德層面上係好嘅，但對韓國嘅經濟就肯定唔好。
由於朝鮮太多負面新聞，令到韓國人好難實現統一嘅諗法，但係將來，如果兩國關係友好，咁都可能會睇到朝鮮同韓國有良好嘅聯繫。
呢篇文章只係屬於個人意見同經驗，無意講任何人壞話。
如果有更多想知嘅內容，都可以隨時留言或者dm話俾我哋知：）
Instagram：creatrip.hk