5件Seventeen爆笑事件
充滿幽默感嘅Seventeen做過啲咩爆笑嘢呢？咩係「傻瓜鮮奶咖啡」呢？轉行賣手機殼？
Hello，大家好，我哋係由韓國人話你知每日最新資訊嘅Creatrip。
擁有自足自足男團之稱的「SEVENTEEN」，一直都係以有幽默感出名。今日小編就想同大家分享由Carats揀出嚟嘅SEVENTEEN爆笑事件。
1. 成員賣手機殼
Instagram: saythename_17
如果有留意韓國有咩流行嘅話，應該都知道前幾年有流行過「柳炳宰手機殼」。咁大家再睇下上圖嘅手機殼係邊個? 就係Seventeen嘅Vernon! 呢幅圖係成員WOOZI突然喺IG上面宣傳嘅手機殼，仲有提到「滿足度五粒星!」，「Vernon手機殼實體好靚」等，因為太滿意仲話要同朋友推薦。
原本以為WOOZI只係講下笑，冇諗過成員圓佑之後都po咗! 仲提到「跟住朋友買咗」，小編估可能係WOOZI推薦俾佢，最搞笑嘅係，Vernon仲喺下面留言「歡迎團購」、「多謝購買」、「感謝評論」等留言，令粉絲哭笑不得。
2. 成員遵守韓國10人限眾令
《Going Seventeen 2020》
因為韓國之前禁止10人以上嘅集會，而Seventeen成員就巳經有13個，佢哋喺日《Going Seventeen 2020》綜藝節目入面，展現咗佢哋遵守防疫守則嘅一面，引起唔少韓國網民嘅關注。佢哋用抽籤嘅方法抽出3位成員，同3位工作人員進行韓國式足球比賽。當雙方都成功得到六分嘅時候，Seventeen成功將個波球傳到去對面，奇蹟咁贏咗個比賽。
其他團員好開心咁即刻沖落去慶祝，不過呢個時候成員Jun文俊輝好似發現咗一啲嘢，就急急忙忙咁走開咗，可以見到當時已經有9位成員聚埋一齊，網民估係因為為咗遵守防疫守則而避開，隔離嘅圓佑同The8兩個人慶祝都令粉絲覺得又好笑又可愛。
3. 傻瓜鮮奶咖啡
《Going Seventeen》
呢杯「傻瓜鮮奶咖啡」係SEVENTEEN曾經喺《Going Seventeen》入面示範過，將一杯牛奶同一杯美式咖啡一齊飲，就會自動變成鮮奶咖啡！
佢哋都想粉絲試下呢種咁特別嘅飲法，所以喺《HIT》打歌期為粉絲逆應援送上咖啡車，而咖啡就正正係「傻瓜鮮奶咖啡」。粉絲一睇到都即係諗返起之前佢哋喺綜藝嘅情節，令粉絲爆笑。
4. 珉奎教前輩影偽男友照
《Happy Together 4 》節目入面，請咗珉奎同大家分享點樣影男友照，竟然話佢嘅必殺技就係整理頭髮，令到佢隔離兩位前輩一聽即刻就話：「佢居然叫我整理頭髮！」全場即哭笑不得，因為嗰兩個前輩都係頭髮比較少，而意外成為咗笑點。
全炫茂仲加插咗句：「佢哋冇咩可以整理！」令到全場爆笑，但有禮貌嘅珉奎都有即刻向兩位前輩鞠躬道歉。
5. DK練習生時期扮路人留言
DK前排被人發現喺2015年出道預告公開嘅時候，曾經喺新聞下面留言：「叫道謙（DK韓文藝名）嘅孩子真係唔錯喎。」。而佢之所以會被人發現，係因為有網友搵到喺2012年，DK啱啱成為練習生嘅時候，佢曾經喺Pledis公開練習生嘅相關貼文下面留言：「woowah係我呀！」，冇諗過隔咗咁多年，都俾人認得出係同一個帳號，令好多粉絲都笑佢，仲話呢個係佢嘅黑歷史之一。
以上就係5件Seventeen爆笑事件，如果有Carats想分享Seventeen其他爆笑事件嘅話，不妨留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
