Hello，我哋係由韓國人話你知每日最新資訊嘅Creatrip。
6月頭韓國總統補選終於進行，由共同民主黨嘅李在明當選成為第21任大韓民國總統，而喺選舉當時佢曾經提倡推行4.5天工作制， 到底係唔係真係可以做到？
韓國實施4.5天工作制？
한겨레
李在明其中一條有關勞工嘅選舉公約係縮短工時，將每星期工作日數減至4.5日，變相係每個禮拜返36個鐘頭工就得，同時唔會削減人工。
1koreanpost
根據2023年數據顯示，喺OECD 38個成員國當中，韓國一年工時總計係1,872小時，排行第五高。所以佢亦都表示會喺2030年前將工時減到經濟合作暨發展組織（OECD）嘅平均數值以下。不過目前 OECD 成員國中當中，每星期法定工時低過40個鐘嘅國家得三個，而且當中得比利時通過立法實行4天工作制。
JTBC
當然呢條制度如果真係可以實行到，唔少勞工同打工仔都應該會好開心，工時變短但係人工唔會變啊嘛XD 而且李在明表示4.5日工作制可以有效平衡工作同個人生活時間，最終目的係希望改善韓國生育率低問題。
不過有唔少人都覺得未必可以實行，更加會為韓國經濟帶嚟負面影響。首先韓國生產效率低過唔少已發展國家，縮短工時會減低企業競爭力。而且如果會以唔削減人工為前提，呢條制度將會為各大企業同公司帶嚟經濟負擔。
不過其實有唔少韓國公司都有縮短工時！自從2019年起，SK集團已經允許部分公司員工實行4天工作制，每2個星期就有1個星期返4日工。而餐飲外賣應用程序服務배달의민족(外送的民族)嘅公司就自2022年以嚟實行每星期32小時工作制，員工喺星期一可以晏晝1點先返工，星期二至五工時會縮短30分鐘。
한겨레
而2024年開始連濟州島公共機關都開始實行每星期4.5天工作制，星期一至四每日除咗基本8小時之外，再另外返多total 4個鐘頭（可以自由安排時間），星期五就可以提早到晏晝1點放工，令員工可以有更多個人時間，從而提高生活水平。
小編個人覺得就算縮短工時，如果工作量仍然都係咁多，好似又唔會太大改變... 大家又覺得4.5天工作制會唔會成功推行？或者覺得咩方法最好？
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！