韓版《不能說的秘密》即將開拍
台灣經典電影《不能說的秘密》即將要翻拍韓國版本！EXO D.O.確認出演擔任男主角
Jeongyeong Yeo
4 years ago
Hello，大家好，我哋係由韓國人話你知每日最新韓國資訊嘅Creatrip。
＃不能說的秘密
＃韓國翻拍＃D.O.
由周杰倫、桂綸鎂主演嘅台灣電影《不能說的祕密》，2008年喺韓國上映之後今日終於傳出即將會拍韓國版。
對好多韓國人嚟講，《不能說的秘密》係好多人心目中最出名嘅台灣電影，劇中取景、校園巡禮，亦都成為韓國人去台灣必去打卡景點。
✨馬上Follow我哋IG
instagram.com/creatrip.hk
韓版《不能說的秘密》即將開拍
穿越時空青澀初戀，配上激情、高昂古典音樂，《不能說的秘密》可以話係傳奇一般嘅青春愛情劇。
當年唔單止台灣人同香港人鍾意睇，韓國人更加將桂綸鎂封為女神同理想型，而韓國喺2017年已經宣佈話要翻拍，喺今年終於揀出由啱啱退伍EXO成員D.O.擔任男主角，預計將會喺下半年開始拍攝，而女主角亦都仲係試鏡當中。
韓國版《不能說的秘密》將由出品《魔鬼對決》、《南山的部長們》嘅Hive Media Corp製作，而導演係由擔任過許秦豪導演作品《幸福》、《外出》編劇嘅徐有民（서유민 音譯）擔當。
唔少網民對於翻拍《不能說的秘密》表示期待，D.O.可唔可以重演劇中經典嘅「鋼琴對決」，亦都成為電影中嘅一大亮點。
熱門文章
