Hello，大家好，我哋係由韓國人每日提供最新韓國旅行資訊嘅Creatrip。
有睇過韓劇或者綜藝節目嘅話，都一定有睇過有陣時喺某啲時候，會突然之間俾人打格仔或者係用圖案遮住，大家都應該唔係好明，到底係為咗啲咩而要打格呢？今日小編就會同大家總結一下呢啲韓國電視台小規則，一齊睇落去啦！
韓國電視節目打格仔原因
喺韓國，佢哋會爲咗保護青少年，有一條法律規定「對青少年產生惡劣影響嘅內容必須限制年齡」，所以必須要打格仔佢保護佢哋。咁而家就等小編詳細介紹一下有邊啲內容係禁止播放啦。
1. 紋身
鐘意睇韓國hiphop嘅話，應該都有睇過《Show Me The Money》。呢個節目係隨着韓國hiphop嘅關注度提高而製作嘅說唱選秀節目，呢個節目入而有好多有紋身嘅人演出，而嗰啲紋身就要全部打曬格仔先可以播，無論係其他節目，電影或者係電視劇，只要喺電視台播出嘅話，就必須要打格仔，或者係貼膠紙去遮住。
 |  |
진짜사나이 음악중심
不過原本對紋身嘅規限同法律其實係唔存在，咁點解韓國電視台要喺紋身上面打格仔呢？原因只有一個就係對青少年產生負面影響。
實際上，韓國年輕人出門口行街都一定會遇到唔少有紋身嘅人，但係電視台就認爲「帶嚟反感」、「因爲對小朋友唔好」，所以採取禁止喺節目入面見到紋身嘅措施。不過最近都有好多人提倡「應該尊重表現自己個性嘅自由」。
2. 煙草
聽講如果煙冇點火嘅情況下，淨係個嘴叼住枝煙就可以播出，但係如果一點著嘅話就會即刻被電視台打格仔。以下係日本電視劇《LIFE》，喺韓國播出，大家可以睇到個嘴枝煙冇點著嘅時候，係完全冇打仼何格仔。
Life
不過由一點火嗰一瞬間就即刻俾人打咗格。
Life
Life
唔單止係韓國國內電視劇同電影，外國電視劇、電影等喺韓國電視台播出嘅時候，一觸犯到佢哋嘅規則，就會被打格。就連呢個因為攞糖嘅手勢似唔好都會被打格，就可以睇得出到底韓國有幾嚴格。
 |  |
독립영화관
呢啲都係以對青少年造成惡劣影響等理由而實施，奇怪嘅係飲酒嘅場面係唔會打格，飲酒就好似冇乜問題咁。喺對於未成年飲酒咁嚴格嘅國家，只有食煙打格，而飲酒就唔會，令人有啲唔係太理解到。
另外，喺韓國隨地都可以見到好多煙頭，唔少人亦都會企喺街邊食煙，只係禁青少年睇電視食煙嘅埸景而去防止影響佢哋產生負面影響的話，好似冇乜說服力。
청소년 "노담(No담배)"캠페인 광고
3. 血腥場面
目前，韓國Netflix只要有血情情節嘅動畫都有打格仔處理，喺韓國都好受歡迎嘅日本動畫《鬼滅之刃》係禁止未滿19歲嘅人睇，不過一啲殘酷嘅場面都有被打格處理。
 |  |
鬼滅の刃
呢種對策喺韓國以外嘅國家真係比較少見，大家又知唔知道韓國嘅規矩係咁嚴格嘅呢？
4. 性埸面
喺韓國，電視台對性方面嘅限制都非常嚴格，代表性動畫《蠟筆小新》喺日本同韓國都好受歡迎，不過只要小新一唔著褲的話，就一定會打格處理！
另外，女性胸部太暴露嘅話，都會打格。
 |  |
5. 粗俗單字
呢家喺韓國成爲社會問題嘅就係「青少年太過冇禮貌」，實際上韓國好多男女老少都會講粗口。
喺電視台播出嘅話，爲咗唔比年輕人聽到，當演出者講一啲比較粗俗嘅字眼嗰時，就會進行編輯，或者佢哋嘅嘴上面加圖案遮住，但大部份人就算遮住都會知道佢哋講關於啲咩。
무엇이든 물어보살
신서유기
마이 리틀 텔레비전 V2
런닝맨
6. 非贊助商商標
喺韓國，如果唔係贊助商商品上都會貼住膠布或者打格仔，因爲提供節目嘅製作費係贊助商，所以如果出現競爭公司嘅商標，可能就會終止贊助合同，而且會對節目都會造成障礙。
以上就係韓國電視台嘅小禁忌，喺韓國綜藝節目同電視劇入面都會成日睇到有打格仔，希望大家睇完呢篇之後對韓國電視有更深嘅了解啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
