建大餐廳爆群聚感染
建大Hunting Bar違規營業至少43人感染！首爾市：將會要求店鋪負責人賠償醫療支出
來源：포차끝판왕 건대 직영점
Hello，大家好，我哋係由韓國人話你知每日最新韓國資訊嘅Creatrip。
＃新冠肺炎＃疫情
＃建大＃非法營業
＃餐廳＃酒吧
按照韓國當局防疫方針，目前酒吧、Hunting Bar、Club等娛樂場所全面禁止營業，但尋日（2號）喺首爾建大一帶，一間以Hunting Bar形式營業嘅酒吧將知法犯法，造成大規模群聚感染，截止到目前為止，相關感染者由1人增加至43人，其中首爾市確診者高達39人。
✨馬上Follow我哋IG
instagram.com/creatrip.hk
建大餐廳爆群聚感染
來源：이데일리
呢間鋪頭位於首爾廣津區建大，聽講由舊年5月梨泰院夜店爆發群聚感染後，Pocha尾盤王（포차끝판왕）老闆將營業登記類別更改為「普通餐廳」，雖然表面上係合法可以正常營業，但喺未有跟足防疫方針，仍然有人喺店入面跳舞、冇戴口罩同保持社交距離。
目前針對負責人等接觸者進行檢查，除咗最初感染者之外，有42名確診感染，124名陰性，其餘600幾人仲等緊檢查。由於大部分確診者都係長時間停留，CCTV顯示並唔多人戴口罩，預計呢波群聚感染會持續擴大。
來源：연합뉴스
保健當局除咗積極進行流行病學調查，亦按照出入QR Code確認訪客清單，亦透過災難信息系統向首爾市民發出通知，要求1月22號至30日曾經去過Pocha尾盤王嘅人都要迅速去保健所接受篩檢。
來源：연합뉴스
首爾市政府將會嚴厲應對呢次違反防疫守則嘅行為，健康局長亦表示：「Pocha尾盤王負責人已經喺轉換營業登記時承諾「出現新冠肺炎確診者時將承擔求償部分」，所以呢次出現嘅確診者醫療費、防疫檢查費等開支都會由酒吧負責人畀。」
另外由於負責人冇要求強制配戴口罩，違反傳染病防治法，將會有第一次警告同時要繳交150萬韓元（HKD10,490）罰款。
來源：이데일리
為防止類似事件再度發生造成疫情大規模擴散，首爾市政府由今日起，將緊急檢查44間由Hunting Bar同Bar改登記一般餐廳嘅鋪頭，確認係唔係都有類似違規事。一旦違反，將會強力行政處分。
✨馬上Follow我哋IG
instagram.com/creatrip.hk
| 其他延伸閱讀 | |
 韓國煙將加價 |  防疫措施延2星期 |
