Hello，大家好，我哋係由韓國人每日提供最新旅行資訊嘅Creatrip。
早一段時間移居到去新公司嘅JYP娛樂公司因為佢獨特嘅公司食堂而成為話題，喺所有方面都要比較嘅娛樂業界競爭對手JYP、YG、SM仲有HYBE娛樂嘅公司食堂會點樣營運同有咩唔同呢？一般人無得用，只有職員或者所屬練習生、藝人先至可以用！等小編帶大家去睇下啦！
韓國經紀公司食堂介紹
JYP - 為藝人準備嘅有機餐
JYP嘅代表朴軫永最近喺綜藝節目《家師父一體》入面提到，公司食堂一年投入大概20億韓元營運，嗰度為練習生同藝人免費提供NON-GMO同無添加MSG嘅健康有機食品。
唔單止用有機材料又健康，仲好好食，藝人李英子出演嘅《BOBBY BLESS YOU》都有去過，佢都對於好似自助餐一樣有好多美食嘅食堂讚𣎴絕口！
唔單止係美食，食堂好似高級餐廳嘅裝修都好吸引，加上聽講用餐時間成日都可以喺公司食堂見到JYP嘅藝人，真係好羨慕JYP啲職員呀！
YG - 藝人都鍾意嘅美食店
由幾年前開始就有傳聞話好好食，唔單止係YG藝人，就連其他公司嘅藝人都想去食YG公司食堂！喺《無限挑戰》入面都有一幕係鄭亨敦同GD一齊去YG公司食堂，話啲餸實在太好食，仲打電話俾HAHA曬命。嗰個時候嘅HAHA話喺YG公司食堂食飯係佢嘅願望清單之一。
而且2017年出演電台廣播嘅BLACKPINK都有讚經營YG公司食堂阿姨嘅手藝。
2020年YG搬到超華麗嘅新大樓，好多人對YG嘅食堂都覺得好好奇。 根據YG方面嘅公佈，YG將整個2樓裝修成現代餐廳區，面積達數百坪（1坪＝約36尺）。
最近韓昇延喺YouTube上首次公開咗YG新公司嘅食堂，食物依舊咁好食！ 果然YG公司食堂係名不虛傳！
SM - 一般人都可以去嘅餐廳
SMTOWN 位於清潭大廈1樓嘅 SUM Cafe 都好出名，嗰度唔單止係所屬職員、藝人，就連普通人都可以去食飯。、SM雖然冇好似其他所屬公司一樣單獨有內部食堂，但係職員都會有SUM Cafe50%嘅折扣。
因為係對外營運嘅餐廳，所以裝修都好靚，仲提供好多唔同菜式！喺Instagram search SUM Cafe嘅時候，都可以睇到好多人影嘅認證照。
HYBE - 對至TOP公司食堂嘅寶座虎視眈眈
HYBE喺Big Hit時期，冇公司食堂。最近2021年1月，搬咗去龍山嘅新辦公樓，改名做HYBE，就出現咗超大嘅食堂！
呢個喺最近韓國社交網站同SNS瘋傳嘅相，就係HYBE食堂嘢食。係咪一點都唔似公司食堂，好似去咗專門嘅餐廳呢？
HYBE嘅公司食堂每日都為職員提供新menu，唔只有韓餐，仲有中餐、日餐、西餐、fusion等，超多款式。
更令人驚訝嘅係，咁豐富嘅食物，只係2000won（約HKD14）！呢個價錢喺首爾連似樣啲嘅三文治都買唔到！但係可以喺HYBE食到咁高質嘅一餐，超羨慕啊！
最近YouTube channel「What's up man」上，朴俊亨同TXT都去咗探HYBE嘅新公司大樓，首次公開咗公司食堂嘅相。上面張相只係食堂嘅其中一部分，係咪好大呢？
而且公司食堂位於大樓高層，一眼就望到漢江，風景好靚！ 如果每日都可以喺個咁好view嘅地方度食飯，應該會好幸福！實際上，HYBE職員都讚話，多得有咁好食嘅公司食堂，少咗出去其他餐廳度食飯，慳返唔少錢！
FeelGhood Music - 提供一餐價值 13,000韓幣嘅飯俾員工?
FeelGhood Music係韓國第一代嘻哈藝人Tiger JK經營嘅娛樂公司，雖然唔似上面提及過嘅經紀公司咁高知名度，但佢哋提供嘅福利都幾獨特，所以想當做番外篇咁一齊介紹！
韓國一般企業提供嘅飯平均係7000won（約HKD48），不過佢哋一餐飯平均竟然要13000won（約HKD89）。以前Tiger JK窮嘅時候，成日都經歷因為冇嘢食而心情低落，為咗避免自己啲員工發生啲咁嘅情況，所以為員工提供充足嘅伙食，呢種老闆真係唔話得！
今日小編就介紹咗5間經紀公司嘅食堂，大家又最想去邊間呢？ 如果有機會，小編最想去JYP嘅有機農食堂試下！
如果大家都有想去嘅公司食堂的話，歡迎留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
