韓國人喺冬天最常做嘅室內運動
韓國人冬天會做咩運動？凍冰冰緊係要喺室內玩呢四樣啦！
Hello，大家好，我哋係由韓國人話你知每日最新資訊嘅Creatrip。
#韓國文化 #韓國冬天
#韓國人運動 #冬天運動
大家知唔知道韓國人喺冬天最鍾意做咩運動？
好多時冬天凍冰冰，唔少人都唔想出街做運動。
以前大家好鍾意嘅出街跑步踩單車等等，而家都因為太凍去唔到！
今日小編就同大家介紹呢四款韓國人係冬天嘅時候最鍾意做啲乜嘢室內運動啦！
✨馬上Follow我哋IG
instagram.com/creatrip.hk
四樣室內運動
1. 普拉提
唔少韓妹都好鍾意做普拉提呢樣運動。
因為女仔覺得呢一啲普拉提運動節奏冇咁快，就可以將瑜伽、舞蹈、體操等等嘅身體訓練集合於一身，唔單止可以訓練肌肉同埋體能，仲可以強化身體核心，達致瘦身嘅效果！
只要係室內就可以做，韓國冬天咁凍最啱就係去呢啲普拉提中心度鍛鍊一下身體。
呢項運動流行到有好多韓星都做緊，就連韓劇裏面嘅情節都會加插普拉提嘅元素，簡直係相當流行啊！
2. 攀石
攀石係近幾年好普及嘅運動，唔單止刺激，仲可以令你拋開煩惱去享受呢一項咁具挑戰性嘅運動！
呢項運動唔單止要令大家克服嗰度上面嘅恐懼，仲需要同一齊攀登嘅隊員一齊合作，除咗可以鍛鍊體能同埋意志力之外，可以俾你喺運動上面增添樂趣。
攀石都有室內攀石場，鍾意緊張刺激活動嘅你哋就一定唔可以錯過，冬天玩都唔使怕凍啦！
3. 室內健身單車
唔少健身房都會喺一間房裡面擺放好多呢啲健身單車，然後喺堂上面會播住自拍好強勁嘅音樂進行單車訓練，透過唔同嘅訓練技術，可以令你增強腿部嘅耐力同埋肌肉。
一堂大概係30分鐘左右，透過呢30分鐘，一個高強度間竭嘅訓練方法令你可以達致修身嘅效果，冬天係室內做呢一行運動真係會覺得好爽㗎！
4. 打拳
其實打拳都有分唔同嘅玩法！而其中韓國最流行嘅就係踢拳(kick-boxing) 。
呢一項運動係一項全身性高強度嘅運動，需要用到身體嘅爆發力去幫助身體運作，對燃燒卡路里都有好大嘅幫助，如果想減肥嘅朋友就一定唔可以錯過啦！唔只燃燒卡路里，仲可以幫助減壓！
平時係上班族嘅你哋如果做嘢做到好辛苦，或者覺得好大壓力嘅話都可以去呢一啲室內嘅拳館嗰度玩下，出一身汗就舒服晒啦！
以上呢四項就係韓國人最鍾意係冬天嘅時候玩嘅室內運動！唔知大家又最鍾意邊樣呢？
✨馬上Follow我哋IG
instagram.com/creatrip.hk
| 其他延伸閱讀 | |
 選手出生嘅韓星 |  普拉提運動 |
