Hello，大家好，我哋係由韓國人話你知每日最新韓國資訊嘅Creatrip。
Kpop偶像每一次回歸，無論髮型、造型、舞蹈都成為討論焦點。大家又知唔知有陣時偶像嘅回歸髮型，有可能成為咗佢哋嘅黑歷史？今日小編就整理咗一啲歷代偶像奇怪髮型，我哋一齊睇落去啦！
歷代偶像奇怪髮型
1. JYJ - 金俊秀
金俊秀呢一個髮型有3種髮色，額頭前仲有一大條鬢邊做亮點。雖然唔知髮型師係受到咩啓發去設計呢個造型，不過小編覺得有啲似《Frozen》入面Elsa個髮型改版。
2. Brown Eyed Girl - Narsha
Nasha呢個造型奇怪分10分滿分應該都有8分。破格嘅妝容，又有2種顏色嘅頭髮，加上前後都有唔均勻嘅層次，睇落好似抽象畫咁。係喺現實生活唔會見到嘅造型。
3. 前B.A.P成員 - Zelo
Zelo「WARRIOR」出道嘅時候，巳經係呢個可愛嘅捲發髮型。 有一次，佢染成粉紅色，睇落好似好好食嘅粉紅色「棉花糖」，雖然普通人有啲難carry，不過小編就覺得都幾啱Zelo。
4. Block B - Zico
Dreadlocks頭其實一直都好受世界各地歡迎，不過對於Kpop嚟講，可能就唔適合呢種風格。Zico以Block B成員嘅身份首次亮相嗰陣，就有試過dreadlocks頭， 有啲人會叫呢個頭做「加勒比海海盜頭」。
5. BIGBANG - 太陽
YG Ent.
太陽喺2012年發行歌曲《Monster》入面，呢個好似壽司又好似雙筒望遠鏡嘅髮型，令好多粉絲都哭笑不得。
6. (f)x - Krystal
f(x)嘅Krystal喺2010年《NUABO》活動入面，就剪咗一個好大膽嘅髮型。髮尾漂染加上前短後長嘅分層切割，好容易就吸引到其他人注意。
7. Dara
當年Sandara嘅椰子棕櫚樹髮型，即使係到而家每當佢出現喺唔同節目嘅時候，都會有人提到呢個髮型。
8. BIGBANG - G-Dragon
YG Ent.
《Fastastic Baby》入面G-Dragon嘅柔順長髮型都係經典造型之一，無論小編睇幾多次，都覺得呢個髮型真係冇人可以駕馭。
9. 東方神起
另一個kpop傳奇，無論過幾多年，粉絲都一定會記住佢哋呢個造型。每個成員嘅髮型都係好奇怪，尤其係昌敏嘅髮型，好似日本漫畫《龍珠》真人版。
今日小介紹咗好多款奇怪嘅偶像髮型，如果大家仲知道其他奇怪髮型嘅話，可以留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk