韓國中學特色文化(2)
韓國人特有校園文化盤點！畢業旅行都鍾意去愛寶樂園？營養午餐手錶？
Hello，大家好，我哋係由韓國人話你知每日最新韓國資訊嘅Creatrip。
睇韓劇成日都會見到好多關於高中校園做主題，不過除咗營幕上見到嘅場面之外，好多喺背後嘅小事大家可能都見過，今日就等韓國小編同大家介紹下啦！
韓國高中特有文化
- 1. 足足11年嘅畢業旅行都係去同一個地方
喺香港中學畢業，通常都會揀想出國旅行，但係喺韓國好多人都會去愛寶樂園玩。
唔單止喺首爾人會咁做，就連非首都圈嘅學校，通常都會將首爾訂為畢業旅行地點。
喺首爾中學畢業旅行，通常好大機率都係去濟州島、慶州等地。小編嘅釜山朋友表示，自己小學、初中、高中三次畢業旅行都係去首爾，以及龍仁愛寶樂園……
大家可以試諗下如果3次旅行都係去香港迪士尼，或者海洋公會大家又鍾唔鍾意呢？小編個人都接受到，不過唔少人可能就會覺得悶咗啲，想去下其他地方。
雖然非首都圈嚟首爾旅行，唔係一個硬性規定，但喺韓國好似已經默認咗係一種習俗（？）
不過近年聽講有私立學校畢業旅行係去國外旅行，話唔定幾年之後，呢個特色亦會慢慢改變。
2. 教師節一定要畀驚喜老師
5月15號係韓國教師節，喺各區小學、中學甚至大學，教師節都係一個非常重要嘅日子，而且大部份數學生都會自主性策劃活動畀老師一個驚喜。
除咗會有佈置、蛋糕等驚喜之外，亦有啲學生會夾份買禮物送畀最親嘅老師。
不過2015年嘅時候因為《金英蘭法》通過關係，只要買3萬以上禮物畀公務員（老師）就等於賄賂，所以而家大部分都係寫卡片、送康乃馨、餅乾蛋糕等小禮物嚟代替。
3. 假嘅轉校生？
「老師～我哋班有新嘅轉學生！」呢個玩笑只要係韓國高中生都一定講過，將衫、外套、書、鞋打造成一個學生趴喺檯嘅模樣，遠望就好似係瞓緊教嘅學生。
喺上堂嘅時候同老師講有轉校生，老師自然會叫「新同學」起身，如果老師真係信，咁整老師嘅玩笑就等於成功啦！
4. 考完修能考試返學要做嘅事？
韓國最大考試就係每年11月嘅修能考試（相關文化請點我），不過考完之後，直到第二年2月之前都仲要返學校，呢段咁長嘅時間大家都會做咩呢？
通常考完試等成功結果出嚟嘅時候，呢段時間大家都冇咩事好做，基本上返學校都唔需要再孭書包，學生返去學校好多時都係去瞓緊、打開電視、投影機播電影、大鬧課室，將高中三年冇做過嘅事通通都做一次，留底最後美好記憶，通常老師都唔會多管。
韓國小編表示：「當年考完試之後，老師每日都會播電影畀我哋睇。」
5. 每個人必備營養午餐Watch
大部分學校每個月都會有一份營養午餐表畀同學，對卡「吃貨」嚟講，每日食咩真係超級重要！
不過營養午餐表保管方式每個人都唔一樣，有啲人會貼喺檯、收喺書包，但咁多方法之中「營養午餐手錶」絕對係最潮嘅一種。
「營養午餐Watch」大家又會唔會想試下整返隻呢？
6. 改制服、特色校服
相信唔少香港人都試過改短裙、改短褲腳，韓國學生亦都一樣，佢哋覺得咁樣先係最型同最靚，改制服就成為一項校園特色。
好多時佢哋智將一般包裙改成百褶裙、寬鬆褲腳改成窄褲、九分褲等等。比較特別嘅係蔚山女高中制服係百褶裙，但佢咊鍾翘改成改短或者包裙。
即使到咗2021年，鍾意改制服學生仲係有好多，甚至會改成週末出街都可以著嘅流行款式。
唔知以上韓國校園特色文化大家又覺得驚唔驚訝呢？歡迎大家可以留言同小編分享。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
