Creatrip: 2020年度全球最喜惡嘅韓國食物

Hello，大家好，我哋係由韓國人話你知每日最新資訊嘅Creatrip。

#韓國食物 #2020年度統計
#燒酒 #炸雞 #韓國飲食文化

韓國料理受到全世界好多人嘅歡迎，而唔少韓國嘅食物亦都出口到唔同嘅國家。

今日我哋睇睇2020年嘅統計，睇吓全球嘅人喺上年最鍾意同最唔鍾意邊一款韓國食物啦！

2020年度全球最喜愛/最厭惡嘅食物

近呢十年因為受到韓國嘅Kpop文化同埋韓劇影響，唔少外國人都會特地嚟到韓國食當地嘅料理。

早前韓國就做咗一個統計係關於2020年外國人人對於本地食物嘅購買量，當中有16個國家（包括美國，上海，北京、日本，倫敦等。）都有對呢一個調查作出回應。

2020年海外消費者最受歡迎韓國食物統計數據圖，顯示韓國炸雞、泡菜和拌飯分別佔13.3%、11.9%和10.3%的人氣。

外國人最鍾意嘅就係炸雞（ 13.3% ），泡菜（ 11.9% ）同埋韓式拌飯（ 10.3% ）。

唔少人都覺得外國人鍾意對泡菜嘅喜愛程度都覺得驚訝，大家都冇諗到韓國人最鍾意嘅拌菜竟然對外國人嚟講都係咁受歡迎。

2020年海外消費者最不受歡迎韓國食物統計數據圖，顯示韓國燒酒和泡菜分別佔14.1%和9.5%的反感度。

而最驚訝嘅就係原來外國人最唔鍾意嘅其中一樣嘢係燒酒，總共佔咗14.1%。

點解外國人唔鍾意燒酒?

問到外國人點解唔鍾意燒酒嘅時候，佢哋都話燒酒嘅味太過重酒精味，佢哋會想飲生果味嘅燒酒多過傳統味。

有酒精嘅專家就話：「其實啲人唔鍾意原味嘅燒酒都好正常，因為佢嘅味係比較苦澀，亦都冇乜甜味，所以係有得選擇嘅情況底下佢哋都會揀一啲甜味較重嘅酒嚟飲。」

其實好多韓國人都唔會就咁飲燒酒嘅，佢哋都會將唔同嘅飲品溝埋原味嘅燒酒一齊飲，燒酒溝啤酒就係最常見嘅飲法啦！

雖然燒酒唔係個個外國人都接受到，不過韓國人都建議大家可以將燒酒溝一啲自己本地國家鍾意嘅飲品落去燒酒度一齊飲，咁就可以試到飲燒酒嘅樂趣啦！

以上就係根據統計之後外國人喺2020年最鍾意嘅韓國美食同埋最唔鍾意嘅韓國飲品，唔知大家又點睇呢？

其他延伸閱讀
燒酒代言人標準	韓國人酒後對白