點解韓國人咁鍾意單數？
香港人最鐘意數字8，點解韓國人比起雙數更加鍾意單數嘅呢？佢哋最鐘意嘅數字又會係？
Hello，大家好，我哋係由韓國人每日提供最新韓國旅行資訊嘅Creatrip。
應該唔少香港人最鍾意嘅數字都係「8」，因為8有發嘅意思，不過對於韓國人嚟講，佢哋比起雙數，更加鍾意單數，到底係點解呢？
點解韓國人咁鐘意單數?
韓國有一個綜藝節目叫做《大韓外國人》入面，有條問題係問到：韓國人最鐘意咩數字？小編覺得個答案同香港人嘅諗法好唔同，所以想同大家分享下，我哋一齊睇下個答案啦！
第五名：8
키자드
8呢個數字應該好多香港人都鐘意，因為佢個諧音同發一樣，有好意頭嘅意思。不過喺韓國只得5%嘅人投票自己最鐘意8呢個數字，佔嘅比例唔算好多，亦係榜上唯一一個雙數。
第四名：1
한국경제
小編諗應該亞洲地區嘅人都會比較鐘意1呢個數字，因為1就有第1名嘅含義：喺競爭思想比較強嘅亞洲地區，應該就會鐘意1多啲。而韓國都有7%嘅人投票1係自己最鐘意嘅數字。
第三名：5
한국일보
5呢個數字平平無奇，冇咩特別嘅含義，但係就有8%嘅人投票係自己鐘意嘅數字，小編覺得係因為韓國人唔鐘意太過突出，所以覺得1至9中間係5，揀5就最平凡。
第二名：3
한스경제
韓國人有好多人鐘意3呢個數字，對佢哋嚟講係有好特殊嘅含義，因為韓國文化同生活入面都會同3呢個字息息相關呢。根據韓國嘅傳統風俗入面，嬰兒出世如果係男仔，就要掛三隻辣椒同三棵艾草，仲有韓國人深信人要過世三年之後先會升天，所以要為死者守喪三年，加上3係2+1得出嚟，根據陰陽五行1代表陽，2代表陰，咁陰陽結會嘅數字就係3，所以比較老一代嘅韓國人都會鐘意3，加上喺韓國生活得耐，就會發現韓國好多嘢都係有個3字，就例如濟洲島又叫“三多島”，最大嘅集團叫“三星”，最鐘意食“三層肉”（삼겹살），所以有19%嘅人投票選出3係自己鐘意嘅數字。
第一名：7
뉴스인
其實應該有好多國家都一樣，7有Lucky seven嘅意思，好多時叫大家由1-10揀一個數字，相知唔少人都會揀7，當中亦有45%嘅韓國人都投自己鐘意7呢個數字。
唔知大家咁多個數字當中又最鍾意邊個呢？歡迎大家可以留言一齊討論：）
如果有更多想知嘅內容，都可以隨時留言或者dm話俾我哋知：）
Instagram：creatrip.hk
