韓國年輕人最想入嘅三間公司
韓國年輕人最想入邊三間公司？ 「三星」究竟仲係唔係榜首呢？
Hello，大家好，我哋係由韓國人話你知每日最新韓國資訊嘅Creatrip。
大家都知道韓國嘅職場競爭好激烈，特別係一啲大企業，競爭率係高達1:100。亦都有唔少好大規模嘅公司越嚟越多，唔少年輕人都會想入呢一啲大公司做嘢。究竟喺2020年邊幾間公司係韓國學生夢想想要入去做嘢嘅公司呢？等小編帶大家一齊睇吓啦！
韓國年輕最希望入到嘅三間公司
根據韓國網站incruits嘅統計顯示，由2004年到2017年期間韓國年輕人最希望入到嘅夢想公司有38間。當中有26,000千人都希望可以入到呢38公司嘅其中一間。每年發表嘅調查結果，反映咗大部份嘅韓國年輕人都會比較想入一啲大規模同埋工資較高嘅公司。
根據最近嘅統計結果顯示由2020年6月2號至5號期間分別訪問咗1045個學生，當中有14.2%嘅受訪者都表示想入Kakao Group工作。唔少學生認為如果可以入到呢間公司工作嘅話佢哋嘅前景會好好，仲可以有一個好好嘅長遠發展！因為呢一間公司有唔少嘅平台分類，係就業期間都有好多唔同嘅工作可能性。因為公司比較大規模嘅關係，公司都會好着重企業文化，所以呢間公司吸引咗唔少韓國嘅年青人。特別係女仔想入嘅比例(71.4%)比起男仔更加多(28.6%)。
而排喺第二位嘅就係三星電子，比上年嘅第三位上升咗9.4%，事實上三星公司由2004年開始連續10年都係佔據咗第一位㗎，不過2013年之後就發生咁樣嘅變化。唔少人都鍾意喺呢間公司做嘅原因就係最滿意佢哋嘅月薪制度同埋保障制度，一共有28.3%受訪者都覺得呢一個好處係最吸引嘅！
上年排喺榜首嘅Naver今年就排第三，根據調查顯示，唔少韓國嘅大學生都覺得呢一間公司嘅增長同埋開發可能性極高，成為咗佢哋最想入嘅公司之一。而上年排第二嘅CJ ENM就排第四位，大韓一樣冇升跌繼續排第五位，而第六位就係現代Motors等等。問過好多人，佢哋都有唔同嘅睇法。有啲人認為：「三星嘅職場生活好有work life balance，人工都好高。」亦有人話：「好想喺三星或者Google返工。」、「喺Kakao同Naver都做過，覺得Naver比Kakao更好。」
以上呢三間公司就係韓國年輕人最想入嘅公司，如果大家都喺韓國工作嘅話又會唔會想入呢三間公司做呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
