點樣喺韓國識韓國朋友

Hello，大家好，我哋係由韓國人每日提供最新韓國旅行資訊嘅Creatrip。

自己一個嚟韓國嘅朋友好多時都會遇到識朋友嘅問題，由於文化差異，又或者大部份嘅韓國人其實對外國人都比較怕羞，所以好多外國人都唔係咁易識個韓國朋友。其實點樣先可以比較易啲識到韓國朋友呢？今日就等小編帶大家睇吓啦！

識韓國朋友嘅6個方法

1. 用SNS

koreaboo

相信大家都會用到Facebook、IG、Kakao Talk等等嘅社交媒體頻道，韓國人都一樣會經常更新佢哋嘅SNS平台，大家可以透過睇大家嘅個人網誌去認識對方。另外一個方法就係透過交友軟體去認識韓國朋友啦，不過如果大家真係要透過呢啲app去識人嘅話，一定要小心注意安全，認清咗對方會唔會係壞人啦！

2. 參加workshop

habkorea

韓國有唔同嘅興趣班，無論係外國人定係韓國人其實都好鍾意去參加呢啲活動。參加呢啲活動好容易會識到共同嘅朋友，因為大家都有共同嘅興趣，唔知大家最鍾意有咩活動呢？下次嚟韓國嘅時候，大家都記得參加一個你哋都鍾意嘅工作坊去認識吓韓國朋友啦！

3. 參加美食節

koreajoongang

去韓國旅行嘅時候，參與聚餐其實都係一個非常之有效嘅識朋友方法。大家可以一邊食一邊交流各地文化，又或者咁講自己嘅興趣等等，都可以有幫助識到更加多嘅朋友。

4. 睇比賽

soompi

大家知唔知道喺韓國最受關注嘅運動係咩呢？答案就係棒球啦！其實韓國都有唔同嘅棒球俱樂部，每一季都會有唔同嘅比賽，唔少韓國情侶都會去睇比賽去約會㗎！如果想融入韓國人，大家都可以不妨睇吓韓國嘅棒球比賽，邊睇比賽邊認識吓身邊嘅朋友！

5. 去網吧打機

LoL Esports

韓國人真係好鍾意打機，唔單只係網上遊戲，佢哋都好鍾意玩手機遊戲，通過呢一種方式識朋友都未嘗唔係一件好事。因為透過玩遊戲嘅時候嘅氣氛會比較放鬆同埋豁出去，所以大家都唔會怕尷尬，咁樣嘅情況下小朋友都算容易㗎！

6. 去交流會

Big Hit Edu

想識到韓國朋友，當然就梗係要融入佢哋啦！大家都可以透過學韓文，或者去唔同嘅語言交流會識當地人！因為其實唔少韓國人都會想學外語，都係參加語言交流會，係學語言嘅情況底吓識朋友真係一舉兩得！

以上呢六種方法就係比較容易識到韓國朋友嘅方法啦！如果大家下次再嚟韓國嘅時候都可以試吓呢啲方法。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購