點解韓國人皮膚咁白？
韓國人皮膚白嘅原因？原來由朝鮮時代開始就巳經要追求皮膚白？
Hello，大家好，我哋係由韓國人話你知每日最新資訊嘅Creatrip。
#韓國人 #韓國美白
#皮膚白 #韓國人美白秘訣
成日都覺得好韓國人好白，真係關環境因素事？點解韓國人皮膚全都都係咁白淨？
就等韓國小編話俾你知，真正嘅原因係啲咩啦！
✨馬上Follow我哋IG
instagram.com/creatrip.hk
韓國人嘅皮膚真係咁白？
成日睇電視都覺得韓國人真係好白，所以有好多人都好好奇佢哋係唔係全部都係咁。
事實上並係所有韓國人皮膚都係咁白淨，不過佢哋好鐘意擁有白皙無暇嘅膚色，所以一直用後天嘅努力變白。
出演綜藝節目《認識的哥哥》嘅少女時代，成員秀英就講過，因為太妍嘅皮膚太白，如果同佢一齊影相嘅話，一係就泰妍光到睇唔清個樣，一係就自己睇落太黑。
透過上面嘅世界膚色圖就可以睇得到，韓國人其實同大部分亞洲地區嘅膚色係一樣，咁到底點解韓國人皮膚會比較白呢？ 下面就同大家講下原因。
韓國人皮膚白嘅原因
先天性基因
韓國人嘅瞼有分北方系同南方系，北方人係喺韓國、日本、蒙古等地都可以睇到到，先天皮膚比較白。相反，南方人喺東南亞地區比較常見，天生五官分明，膚色都比北方人暗。
南方系代表美女演員李英愛/北方系代表美女演員金惠秀
根據之前檀國大學嘅研究結果，70%~80%嘅韓國人係屬於北方系，淨底20%~30%屬於南方系。
因為係咁皮膚比較白嘅北方人佔多數，所以韓國人入面皮膚比較白嘅人多啲。
後天因素
韓國人皮膚白好大原因係因爲生活習慣等後天因素。等小編話俾大家知有啲咩生活習慣啦！
搽防曬嘅V
1. 搽防曬嘅習慣
睇韓國美妝Youtuber或者藝人嘅日常vlog就一定可以睇到搽防曬嘅樣。
韓國人爲咗防止暴露喺紫外線底下，都會好仔細咁搽防曬。（無論男女都係咁！）
唔單止係喺太陽強烈嘅夏天，就算係其他季節都一定要有搽防曬嘅習慣，對保護白皙嘅肌膚免受紫外線侵害有好大嘅幫助！
Youtube RISABAE
2. 仔細清潔
粉底液等彩妝殘留物或者沾喺面上嘅微塵，都對皮膚健康產生不良影響，所以韓國人對清潔度都好重視。
好多韓國女仔喺洗面嘅時候，會用洗面奶、卸妝油、去角質產品等幾個階段卸妝，仔細清潔自己嘅皮膚。
3. 皮膚科治療
實際上韓國人喺皮膚管理上面會用好多時間同金錢。
藝人每3至6個月就會接受美白管理、皮膚肉毒桿菌手術、提拉激光手術等保養自己嘅皮膚。
當然亦都有藝人天生皮膚好唔需要做太多管理，不過藝人要上電視節目嘅話，皮膚管理一定要做得好細緻，如果唔係皮膚狀況就會完全暴露喺鏡頭底下！
好細個就出道嘅IU喺23歲時接受採訪時就話：「同初高中唔同，而家會去皮膚科，亦都會認真敷面膜。」藝人真係要比普通人更加努力去保養。
不過最近就連普通韓國人都會成日去皮膚科進行皮膚管理，韓國人為咗「靚」真係可以好勤力。
點解韓國人要追求皮膚白？
朝鮮時代嘅美女張豔紅同白玉
由朝鮮時代開始韓國人巳經有比較偏愛皮膚白嘅思想。
佢哋會想擁有好似白玉一樣嘅皮膚，唔單止係膚色，而係想擁有無暇、乾淨、透明嘅肌膚。
朝鮮時代嘅時候，係有分咗貴族同平民、奴婢嘅階級社會，屬於高層嘅貴族唔洗勞動，只會喺屋企讀書。
貴族無論係喺屋企定係出門口，奴婢都會幫手遮擋陽光，所以皮膚完全唔會曬黑。
因為係咁，自古以嚟韓國就有「財富嘅象徵=白玉皮膚」嘅講法。
韓國人淨係鐘意白淨嘅皮膚？
SISTAR
咁韓國人係唔係唔鐘意黝黑嘅皮膚呢？
答案係...........絕對唔係！偶像同演員入面擁有健康膚色嘅人都係有好多。
90件代演員同歌手
膚色只係個人喜好，絕對唔係淨係鐘意白色皮膚，喺90年代同2010年代初期，健康膚色係好流行，包括90年代最受歡迎嘅歌手李孝利等好多明星都有做日光浴。
甚至2000年代後期到2010年代，泫雅同SISTAR等強調健康形象嘅明星都有做過日光浴。
皮膚白嘅藝人
1. IU
2. 少女時代 - 太妍
3. BTS - SUGA
皮膚黝黑嘅藝人
1. 孔劉
2. 2PM - 澤演
3. SEVENTEEN - 珉奎
今日就解開咗大家對韓國人皮膚嘅好奇，希望大家睇得開心。
除此之外，如果仲有咩想知嘅話，可以留言話俾小編知！ 我哋下次見！
✨馬上Follow我哋IG
instagram.com/creatrip.hk
| 其他延伸閱讀 | |
 受歡迎嘅男性香水 |  韓國人變靚法則 |
