中央線KTX-IUM開通
韓國開通KTX新路線！超靚嘅KTX-IUM新列車啟用，2個鐘首爾直達安東！
Hello，大家好，我哋係由韓國人話你知每日最新韓國資訊嘅Creatrip。
＃KTX-IUM
＃KTX中央線＃安東
＃堤川＃開通＃2021
2021年1月4號，文在寅總統就參加咗原州站舉行嘅中央線開通儀式，宣布喺1月5號起，低碳、環保嘅高速列車將會第一次喺鐵路中央線運行。
亦都代表，韓國唔單止大型城市有高速鐵路，江原道、忠清道、慶尚道呢啲中小型城市好快就會遍佈高速鐵路網絡。
✨馬上Follow我哋IG
instagram.com/creatrip.hk
中央線KTX-IUM開通
來源：청와대
來源：뉴시스
比起連接首爾同釜山（或者慶尚道嘅大邱）嘅南北KTX鐵路，KTX-IUM係動力分散式高速列車。
雖然最高時速最多都係得260公里，但勝在車站多、站與站之間距離比較短嘅路線，更加可以搭載更多乘客，同喺短距離之內完成加減速，係佢嘅一大優點。
2004年，韓國成為世界上第5個引進高速鐵路技術嘅國家，由2007年至今14年嘅時間內，完成咗好多條高速鐵路網。
隨住而家中央線開通完成，再引進KTX-IUM，高速鐵路遍及全韓國嘅時代指日可待。
KTX山川號
KTX-IUM（來源：OhMyNews）
喺兼顧發展嘅同時，KTX-IUM標榜綠能、低碳、環保。
以電力發動，唔會排放細微粒子，二氧化碳嘅排放量只係柴油火車嘅70%、私家車嘅15%，電力耗損量都同原本就存在嘅KTX相比減少咗21%。
喺今次KTX-IUM嘅行駛路線入面，最值得大家留意嘅，係清涼里站開車至、到堤川市，只係需要1個鐘，抵達終點站安東站僅僅需要2個鐘；唔單止拉近咗首都圈同忠清北道（堤川）、慶尚北道（安東）嘅距離，沿途停靠站更加有京畿道楊平、江原道原州、忠清北道丹陽、慶尚北道豊基同榮州等內陸城市。
文在寅總統喺儀式上面表示，KTX-IUM畀一直等緊高速鐵路開通嘅江原道、忠北、慶北內陸居民帶來咗更加發展嘅鐵路網絡，同時有提昇地區經濟、減少環境污染等好處，可以話係一石三鳥。
KTX-IUM行駛嘅中央線入面，新開通嘅原州-堤川路線，特別經過咗安東臨清閣，亦都係為咗紀念日本殖民時期嘅抗日獨立運動。文總統更加承諾，將會由今年6月起整頓臨清閣周邊，直至2025年為止完整復原，藉此宣揚韓國歷史嘅民族正氣。
KTX-IUM（來源：아주경제）
最後，直到2029年為止，韓國境內所有柴油火車都會被KTX取代，而韓國西部嘅西海線（京畿道(高陽)-忠清南道）、中部內陸線（京畿道(板橋)-慶尚北道(聞慶)）、慶全線（慶尚道-全羅道）、東海線（慶尚北道-釜山）等路線，亦都即將全面開通。
屆時韓國主要城市之間嘅高速鐵路網，將會縮短到2個鐘左右；首都圈（首爾、京畿道、仁川）嘅通勤時間，更加係縮短到30分鐘之內。
✨馬上Follow我哋IG
instagram.com/creatrip.hk
其他延伸閱讀 | |
 海雲台海岸列車 |  江陵至釜山鐵路 |
