Hello，大家好，我哋係由韓國人每日提供最新韓國旅行資訊嘅Creatrip。
現代嘅韓國人好注重時尚感，而其實而家流行緊嘅韓國時尚同90年代嘅原來好相似，唔少店鋪仲會主打90年代風潮嚟打造復古感覺添！事不而遲，一齊睇睇依家嘅時尚同90年代嘅有咩相似同差異啦！
90年代穿搭風潮再度瘋魔全韓
1. 露臍T恤
由90年代開始，韓國嘅女仔好想突顯自己嘅肌肉線條，所以由嗰陣開始就會着露臍裝。
當年因為Britney Spears同埋Spice Girl影響嘅關係，好多人都跟住呢一個流行配搭。
其實而家都好流行露臍裝㗎，不過大部份人會鍾意著高腰褲遮住肚臍，只係顯露腰部線條出嚟。
2. 緊身Cropped Top配長褲
喺90年代嘅時候，好多人都會上身一件緊身衫，再配一條淺色嘅牛仔褲，韓國人覺得咁樣可以展現出復古嘅味道！
不過當年佢哋只會著住一件緊身上衣，而家嘅韓妹就會喺外面加返一件外套。睇得出其實係保留以前90年代嘅元素，再添加一啲近代嘅風格去mix and match！
3. 闊腳褲
喺2020年呢一年間其實好興著闊腳褲，但睇返其實原來1990年嘅時候已經好有人氣。正如大家睇到嘅，兩個時代嘅人著出嚟嘅效果都非常之好睇！
4. Layer Cut髮型
如果大家記得近年嘅流行髮型嘅話，大家都會知道layer cut係今年嘅大趨勢。而其實呢一個髮型唔係今年新創嘅，而係喺90年代嘅時候已經係好流行㗎啦~ 睇嚟潮流呢家野都係會重複嘅！
5. Hip Hop Style
鍾意韓國潮流或者係韓國oppa嘅粉絲，一定唔會錯過男團經常著嘅嘻哈風格！
早喺90年代嘅時候，唔少男團都會着住一身街頭風出嚟跳舞，時尚得嚟又有型格嘅感覺，受到唔少人追捧！直至到現今世代，有好多潮牌嘅衫都係呢個style㗎！
以前同而家嘅嘻哈風格係咪好似呢？
6. 工裝褲
工裝褲搭配背心其實係90年代最顯眼嘅穿搭。以前係男仔著居多，不過而家唔少女仔都會鍾意呢個style。就咁睇其實呢嘅style上冇太大轉變，依然都係咁流行！
7. 太陽眼鏡
90年代嘅時候，好多人都鍾意戴著太陽眼鏡。
近年都一樣，不過就比較流行有顏色嘅太陽眼鏡，相對會潮啲，唔少歌手或者rapper都會戴嚟表演。
8. 戴髮帶或者髮夾
唔單止係衫，就連頭飾都同90年代好相似。特別係用一字髮夾同埋髮帶呢方面真係一模一樣啊！
以上呢8款就係最近瘋魔全韓國嘅90年代穿搭，唔知大家又鍾唔鍾意呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
