韓國七大千奇百趣嘅堂
原來韓國嘅學校有呢啲堂上！就連學切刺身堂都有！呢啲千奇百趣嘅堂你聽過未？
세계일보
Hello，大家好，我哋係由韓國人話你知每日最新資訊嘅Creatrip。
#韓國文化 #韓國學校文化
#韓國學校課堂 #千奇百趣課堂
唔少外國人都好嚮往想喺韓國留學，因為覺得韓國嘅學校文化風氣好！
如果喺度讀書，唔單止可以著靚靚嘅校服，仲會有好多喺香港體驗唔到嘅堂可以上添！
小編總整咗7大韓國學校會教到，亦比較趣怪嘅課堂畀大家，唔知大家又知唔知韓國學校係會教呢啲嘅呢？
✨馬上Follow我哋IG
instagram.com/creatrip.hk
七大韓國前千奇百趣嘅課堂
1. 約會堂
韓國第一次搞約會堂嘅地方係東國大學，直到今時今日已經開咗10年㗎啦！
東國大學嘅呢堂課要求學生一個月一定要約到一個人，喺完sem之前一定要約到3個。
不過要reg到呢科一科一啲都唔容易，聽講係500幾人爭60個位㗎！
2. 刺身堂
呢個「生魚片教室」係由釜慶大學開設。
因為呢度嘅學生好鍾意食刺身嘅關係，所以老師就覺得不如畀佢哋深入了解多啲魚生。
呢堂課係會叫學生分辨自然水產同埋農場水產，仲會學識點樣製作生魚片，係咪聽落都覺得好有趣呢？
3. 品酒堂
唔少學校都會想自己嘅學生學多啲唔同嘅語言或者外國文化。
韓國有一間大學係要一邊學品酒，一邊學法文，同時每一堂都要試好多唔同種類嘅酒，一路上堂一路飲酒真係正啊！
4. Yodel Songs of the Alps
漢陽大學開設咗一科叫做「Yodel Songs of the Alps」。
喺上堂嘅過程當中，學生唔單止要學習阿爾卑斯山附近嘅歐洲國家歷史同文化，仲可以學唱佢哋當地嘅民族歌添！
當地人其實好犀利，可以一邊敲打樂器一邊唱歌，要手口協調其實都唔係一件容易嘅事情嚟㗎！
5. 射擊堂
淑明女子大學喺好多年前就推出咗射擊堂，每一堂都要喺大學外面上堂。
不過可能你會問，學射擊究竟有咩咁特別呢？
佢最大嘅賣點就係由韓國射擊國家隊嘅導師嚟教，所以由基礎到專業嘅知識都可以學到！
6. 化妝堂
韓國係一個好注重打扮同外表嘅社會，所以喺大學嘅堂裡面都可以reg化妝堂。
喺課程裡面，唔單止會教大家基本嘅化妝技巧，仲會同大家分析唔同皮膚嘅人適合用咩化妝品等等。
7. 結婚與生育堂
有唔少大學亦都會開婚姻與生育有關嘅課堂，希望學生可以喺求學階段就可以對婚姻同埋生育嘅概念。
喺學習嘅期間，學校都會邀請唔同嘅名人嚟開講座，等同學可以預早plan定將來嘅人生。
以上呢7個堂大家又有冇邊一堂最想上呢？唔知大家睇完之後又會唔會想嚟韓國讀書呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國中學文化 |  韓國大學文化 |
