韓國藝人嘅煩惱
原來藝人都有佢哋嘅煩惱？樣靚身材好嘅佢哋對竟然都唔滿意自己嘅樣貌？
Hello，大家好，我哋係由韓國人話你知每日最新資訊嘅Creatrip。
大家可能都會覺得韓國藝人樣靚身材正，應該唔會有太多煩惱。不過事實佢哋都有大家睇唔出嘅煩惱㗎！等小編同大家講吓呢幾位藝人究竟有咩煩惱啦！
藝人嘅煩惱
1. IU
IU以前上SBS TV綜藝「強心臟」嘅時候曾經講過：「雖然大家都覺得我嘅外貌唔錯，不過我經常都覺得自己嘅鼻太低！如果我個鼻可以再高啲咁就好啦！」
「我一直都好想戴太陽眼鏡，不過鼻唔高嘅話戴起嚟真係唔好睇！」不過小編就覺得IU戴唔戴都咁靚啦！
2.金泰希
金泰希喺MBC嘅《我的公主》拍攝花絮中表明過自己對身體某啲部分唔滿意。佢曾經講過自己嘅腳趾同另一隻腳趾之間有太多間隔，大拇指都太長嘅關係所以冇自信。
佢都形容自己嘅下巴唔靚，因為太過大嘅關係都唔太合佢心意。
3. 朴信惠
喺之前某一個記者會上，有記者問到佢朴信惠對外貌有冇咩煩惱嘅時候，佢就話：「自己嘅鼻尖部分同臉型唔夾，覺得有啲變咗型，所以想做整鼻嘅手術。」
佢仲有講過話覺得自己嘅大拇指好粗大，起初都有啲擔心會唔會俾人講唔靚之類，但慢慢地接受咗呢個事實。
4. Astro - 車銀優
原來咁陽光明媚嘅車銀優都有外貌嘅煩惱！早前車銀優喺MBC《Section TV Entertainment Communication》表示自己嘅大脾好粗。
要搵一條著得好睇嘅褲都非常難，所以好多時都會著寬鬆嘅褲遮著算。
5. 宋仲基
宋仲基出演JTBC嘅《News Room》有講過好唔鍾意自己對眼。佢覺得自己隻眼好單薄同埋眼珠好細，所以隻眼顯得好細咁。
不過小編就覺得咁樣都可以增加一啲男人味，盡顯溫柔嘅一面。
6. 少女時代 - 潤娥
喺JTB嘅孝利之家聽到《Goodbye》之後，允兒有講到喺準備出道嘅時候覺得自己嘅樣唔出眾，驚唱歌或者跳舞冇人睇！
不過，其實佢而家已經成功證明咗俾大家睇佢係真正嘅偶像，唔單止多才多藝，可愛嘅性格同埋好靚嘅樣都成為咗唔少人嘅矚目焦點。
7. 泫雅
泫雅雖然俾人一種好性感，好多人都想模仿，不過佢都對自己有啲部位係唔滿意。
佢曾經喺韓國節目《PEOPLE INSIDE》 講過自己嘅顴骨好高，笑嘅時候顴骨會向上升起，仲成日因為呢個問題俾朋友笑添！
另外，佢都仲有一樣不滿就係覺得自己除咗唱歌嘅時候把聲係OK之外，其餘時候講嘢嘅聲都好低音，覺得唔好聽。
8. 金智媛
之前金智媛同池昌旭拍緊嘅《愛在大都會》，唔少人都話佢哋好襯，唔少人都話希望佢哋可以喺埋一齊。不過佢咁有氣質同可愛，佢都有對自己不滿嘅地方。
佢曾經喺SBS嘅《強心臟》節目裡面講過，覺得自己對耳實在太大好似一隻驢咁，所以一般拍電視劇嘅時候都會用頭髮遮住。
9. 申敏兒
申敏兒雖然係一位model，但係佢對自己嘅身材都有唔滿意嘅地方。
佢曾經接受訪問嘅時候都有講過覺得自己唔夠瘦，話過好想有一個靚嘅臀部同埋苗條嘅身材。不過小編就覺得佢身材好好，根本唔需要瘦落去，唔知大家又點睇呢？
以上係韓國藝人對自己有啲唔滿意嘅地方。小編就覺得人冇可能係完美，不過最重要都係要有自信！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
