logo

韓國人點解鐘意著黑色衫

你有冇留意到? 大多數韓國人都鐘意著黑色衫,韓國人著黑色衫嘅原因係啲咩呢?

마타티카
a day ago

Hello,大家好,我哋係由韓國人每日提供最新韓國旅行資訊嘅Creatrip


大家有冇留意到大部分韓國人都鐘意著黑色衫,尤其係喺冬天,好似淨係見到黑色羽絨,甚至係喺其他季節,如果喺韓國鮮色衫,都會成爲眾人嘅亮點。今日就我哋同大家了解一下,韓國人點解咁鐘意黑色衫啦!



韓國人鐘意著黑色衫?

rebloggy


好多人會講「唔會啦」韓國人平時都會著其他唔同顏色嘅衫㗎。不過根據一個對13歲以上總共1700個韓國人做嘅調查,問佢哋「韓國人鐘意嘅顏色係咩?」當然「黑色」係根據性別同年齡獲得投票結果嘅第一名,特別係10幾歲(37%)同20幾歲(34%)都比其他年齡高。


중앙일보 


緊隨其後嘅係白色(15%)、藍色(11%)、深藍色(6%)、紅色(6%)、粉紅色(5%)、紫色(4%)係大部分韓國人鐘意嘅顏色前10位。同2014年以前嘅調查結果相比,偏愛黑色嘅人嘅比率由22%增加到28%,同樣比2019年嘅調查結果由12%增加到15%。



點解韓國人著黑色衫?

한국일보 


如果仍然有人唔相信韓國人鐘意著黑色衫,可以喺冬天嗰陣去一轉韓國,唔理望去邊,學生定係上班族都係會著住黑色羽絨。事實上,雖然衫嘅顏色係個人喜好,但係對於韓國人嚟講,原因仲有好多種,以下我哋總合咗比較多人提嘅原因。


1. 黑色衫比較好整理

wikihow


好多韓國人揀著黑色,因為咁樣可以減少打理衣服嘅時間,更重要嘅係,當食韓國泡菜嘅時候,大部分都係紅色,著黑色衫就可以唔洗擔心污漬。 (即使有都睇唔到 )另外,由於唔需要好似其他顏色嘅衫咁要用好長時間決定,所以亦都係對有選擇困難症嘅人嚟講係首選。




2. 顯得身材更加苗條

thenationalnews


自90年代以嚟,韓國人開始追求苗條嘅身材,用黑色衫塑造出苗條身材嘅想法喺韓國開始流行,令到 「黑衫」變成掩蓋身材嘅好幫手。根據調查,大多數服裝店都會話,黑色或者深色衫喺韓國都係暢銷款,大多數人選擇黑色係因為會令佢哋睇落去更加苗條(比現實)。 




3. 適合各種場合

Koreatimes


對於好多國家嚟講, 「黑色衫」可能有唔吉利嘅含義,不過對於韓國人嚟講,著黑色衫係一種禮貌。 (但唔代表著五顏六色嘅係唔禮貌),幾乎可以喺任何埸合之下著。就算係韓國上班族著嘅衫,大多數都會係黑色或者深色。 韓國人喺任何情況下都確實可以著黑色衫。 (包括婚禮)




4. 唔想成為焦點

Yonhap News


因爲韓國人大部份嘅人都係著黑色衫,所以如果著其他顏色嘅衫,就會喺人群當中顯得好突出,成為焦點,大部分韓國人因爲唔想成為眾人嘅焦點,所以就會跟隨住身邊大眾嘅口味,著黑色衫。

尤其韓國嘅青少年係將「黑色」視為有型,有性格嘅顏色,再加上韓國CCI色彩研究所所長證實,韓國人唔習慣用其他顏色嘅色調,尤其係冇試過著其他顏色嘅人的話,著住五顏六色嘅衫可能會好尷尬。




5. 簡單得嚟又時尚

aminoapps


對於韓國人嚟講,「黑色」反映出「簡單美」,再加上好多韓國人都認為「黑色」係一種乾淨、簡單,或者睇上去唔會令人討厭嘅顏色,特別係冬天,冇咩顏色比「黑色」更加可以贏到韓國人嘅歡心。


以上就係大部分韓國人鐘意黑色衫嘅原因,唔知大家又同唔同意呢?  




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代

熱門文章

LoadingIcon
熱門文章