韓國政府擴大5人限聚令

Hello，大家好，我哋係由韓國人話你知每日最新資訊嘅Creatrip。

＃韓國疫情＃2021
＃延長五人集會禁令
＃擴大至全韓國

嚟到2021年，韓國政府為咗防止韓國新型冠狀肺炎疫情嘅擴散，決定將原訂1月3日號結束嘅首都圈2.5階段手抖社會距離、非首都圈嘅韓國全境2階段，以及2020年尾訂定嘅首都圈五人或以上嘅限聚令延長到1月17號。

另外，由1月4號00:00開始，只適用於首都圈嘅五人限聚令制，都進一步擴大到全韓國全面實施。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

延長五人限聚令

全韓國多方面嘅活動都受到管制，當中包括同學會、同好會、公司聚餐、郊遊、聚會、喬遷宴、新年歲、送年會、週歲宴、盛宴、網友見面等等。

不過，如果活動係必須要嘅商業活動都可以配合政府公告嘅防疫措施下進行，而先前禁止營業嘅補習班同埋滑雪場就可以喺有時間限制嘅前提下重新再營運。

針對呢項措施，中央災難安全對策本部第一次喺定期新聞發佈會上表示，因為韓國每日都新增過千單確診，但都會擔心係因為新年連假嘅關係減少咗檢驗量，所以未能夠知道確診數字係咪只係得呢啲！

雖然2020年年尾到跨年之後數字係有回落，但都唔可以因為咁樣而鬆懈，反而要擴大措施，希望效果更加顯著！

當局亦都解釋，因為疫情目前以「私人聚會」為主，同時都考慮到醫療資源同埋對大眾經濟嘅衝擊嘅關係，所以唔會將社會距離階段提到最高，希望擴大措施已經可以有幫助！

喺呢次嘅措施當中，各地方嘅自治團體都冇辦法鬆懈，只可以加強推行，所以2.5級嘅社會距離級別同埋5人限聚令都會延長到1月17號！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

其他延伸閱讀
韓國生活瑣碎事	韓國社會怪事