Hello，大家好，我哋係由韓國人每日提供最新韓國旅行資訊嘅Creatrip。
韓星嘅婚姻一定會引起媒體嘅關注，特別係另一半係素人嘅話，就更加刺激大家嘅好奇心，其中有啲韓星嘅老婆擁有同藝人差唔多嘅SNS Fans，所以都受到媒體嘅關注。
小編今次會介紹5位以美麗嘅外貌同獨特嘅個性一舉俘獲明星芳心嘅素人老婆，一齊嚟睇吓有邊個啦！
韓星嘅「女神級」素人老婆
1. Gaeko & 金秀美
第一位就係喺2011年同Dynamic Duo嘅成員Gaeko結婚嘅金秀美，佢最近推出咗自己嘅化妝品事業，變身做企業家。望落去似一位20幾歲嘅Idol，但佢今年已經30幾歲，仲係兩個小朋友嘅媽媽。佢憑住出眾嘅時尚感同華麗嘅幹練美一直以嚟都備受關注。
2. 李根鎬 & 李秀智
Insight
足球選手李根鎬嘅老婆李秀智最近出演咗綜藝節目而受到注目，喺同德女子大學聲樂系出身嘅佢，通過國民雙胞胎爸爸李輝宰介紹之後結婚而出名。
3. 宋浩範 & 白承惠
歌手宋浩範嘅老婆白承惠喺各個綜藝節目上面露臉，用機智嘅口才受到大家嘅關注，佢作為網店嘅老闆，用獨特嘅造型同埋外貌喺SNS上面引起咗轟動。
4. 任昌丁 & 徐夏豔
Insight
歌手任昌丁同比自己細18年嘅徐夏豔舉行咗婚禮，當時除咗佢同老婆嘅年齡差距之外，仲憑住徐夏豔出眾嘅美貌同身材連續幾日霸佔咗實時熱搜榜，做瑜伽老師嘅徐夏艷喺老公任昌丁發行嘅第13張Album嘅主打歌MV登場。
5. 張凡俊 & 宋承雅
今年5月入伍嘅歌手張凡俊同老婆宋承雅喺2014年舉行咗婚禮，演員宋智秀喺22歲嘅年紀成為咗小新娘，結婚4個月之後生咗可愛嘅囡囡。
以上就係5位「女神級」嘅韓星素人老婆，大家仲知唔知有邊啲韓星嘅另一半係好靚嘅素人？歡迎留言一齊分享吓啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
