韓國人每日刷三次牙嘅理由
9成韓國人都會帶牙刷喺身,佢哋原來每日最少要刷三次牙!究竟點解呢?
Hello,大家好,我哋係由韓國人每日提供最新韓國旅行資訊嘅Creatrip。
其實大部分嘅韓國人每日都會帶牙刷出街,好多人仲話韓國人有「刷牙病」添!唔講唔知,其實韓國人一日最少要刷三次牙㗎,大家想知點解就一齊睇落去啦!
韓國人一日刷三次牙嘅理由
韓國人對刷牙其實係有一個概念,就係「333法則」。啲韓國人話照早超身每日要刷三分鐘、食完早/晚飯後都分別要刷三分鐘,基本上大部分韓國人都係咁樣做㗎啦!唔知大家以前嚟韓國旅行嘅時候,有冇見過佢哋好鍾意喺地鐵站嘅洗手間裡面刷牙呢?
喺韓國嘅便利店好多時都會有呢啲便攜式嘅牙刷買,就係方便比啲唔唔記得帶牙刷嘅人都可以隨時買到。不過,其實根據美國牙醫學會嘅理論,佢哋係建議大家每日刷兩次牙,每次大約2分鐘。咁究竟點解韓國人會刷三次呢?
原來係因為喺1970年日本仲係侵略韓國嘅時候就已經出現呢個「333法則」,雖然冇明確講係邊個提出嘅,但係嗰陣呢個法則就牽起咗韓國人有呢個習慣。等小編同大家分析一下韓國人咁鍾意刷牙嘅原因啦!
1. 鍾意食煙
眾所週知,大部分韓國人都鍾意食煙,有啲人一日仲要食6-7支煙添!不過,因為食完煙個嘴係會有尼古丁嘅氣味,韓國人為咗防止牙黃同埋出現異味就會經常刷牙!
2. 鍾意飲咖啡
唔單止係食煙,其實飲咖啡都係會令到牙黃同埋有口臭。大家都知道美式咖啡係韓國人嘅心頭號,所以佢哋基本上飲完一杯咖啡就會去刷牙㗎啦!
3. 韓食有好重色素
唔少韓國嘢食,例如:泡菜、醃蘿蔔等等唔單止好重味,仲有好重色素,所以佢哋為咗呢啲顏色會留喺牙上面就會經常刷牙!
其實好多人都覺得就算一日刷咁多次牙都冇問題,但唔少外國人就好驚訝,覺得韓國人公開喺公眾地方刷牙好神奇。通常喺午飯時間完咗之後,都會見到一大班韓國人喺廁所刷牙,場面真係非常震撼!
其實勤刷牙係一見好事,可以防止蛀牙嘅同時又可以令到自己嘅牙齒健康啲!韓國人就認為刷牙唔係一件秘密嘅事,所以公開都係完全冇問題!唔知大家對韓國人一日刷三次牙又有咩睇法呢?
如果有更多想知嘅內容,都可以隨時留言或者dm話俾我哋知:)
Instagram:creatrip.hk