曾經係「學生會長」嘅韓星
受到老師同同學歡迎嘅「學生會長」，原來呢8位韓星都做過？
Hello，大家好，我哋係由韓國人每日提供最新韓國旅行資訊嘅Creatrip。
想喺韓國做「學生會長」除咗要讀書叻之外，一定要得到老師同受同學歡迎，今日想同大家介紹8位曾經做過「學生會長」嘅韓星。
曾經係「學生會長」嘅韓星
1. IU
大家心中嘅女神IU唔單止唱歌好、演技好，讀書成績亦都唔差㗎！
IU曾經喺某節目講過自己喺小學一年班嘅時候做過「全校學生會長」，雖然佢好謙虛咁講話成續唔太好（但好多時都係班上第一），不過都好想得到大家認同而參選。
2. ZE:A - 時完
相信大家都有聽過時完喺出道之前係就讀釜山嘅一間出名中學。
時完因為讀書好，所以佢由小學3年班開始一直到畢業都係班長，喺高中嘅時候仲做過全校學生會長同副會長，同時佢班上名次永遠都係第一或第二名，真係令唔少人羨慕，甚至有網民話「前世一定救過國家」、「有樣又讀書好，真係太完美」等留言。
3. 宣美
宣美講過佢細個嘅時候生活環境唔係咁好，所以佢好想成為學校嘅代表，同時本身宣美好有責任感，所以唔少同學都揀佢。
4. 宋仲基
喺初中嘅時期宋仲基一直都係全校學生會長，直到高中佢先係副會長。
當年宋仲基考修能（即香港DSE）嘅時候，400分滿分入面，佢拎咗380分！最後佢仲揀咁入韓國排名超高嘅成均館大學讀企業管理，副修新聞系。
5. BoA
大家都知道BoA喺好細個嗰陣就已經係練習生，當年出道佢除咗喺韓國之外，仲會去日本發展，真係好厲害！
雖然佢喺好細個嘅時候已經好忙，但佢讀書都好口叻，小學仲做過學生會長添！
6. 東方神起 - 允浩
曾經韓國節目《東方神起的72小時》，允浩要去面試，佢好俾心機寫底所有經歷，由小學開始做會長到而家係東方神起嘅Leader，佢都一字不漏咁寫清楚。
由佢寫履歷表大家又feel唔feel到佢嗰份熱情呢？
7. ASTRO - 車銀優
有「顏色天才」之稱嘅車銀優，佢喺初中三年都做過學生會長。
佢無論係成續家係體育，佢一直都係全校Top3，無嘢難到佢，加上佢外表好吸晴，唔少少女都會俾佢迷到，加上佢自己都曾經講過以前讀書多數都係Top3，最差都會係頭20名內。
8. 李昇基
曾經有節目播過公開李昇基喺高中讀書時期試過全校拎第二，同時係學生會會長。
因為佢有暖男外表，唔少同學或老師，甚至係學生家長都好鍾意佢。
有顏值嘅同時仲要讀書咁叻真係令唔少人羨慕，希望佢哋喺將會演藝界都可以繼續行花路～
如果有更多想知嘅內容，都可以隨時留言或者dm話俾我哋知：）
Instagram：creatrip.hk
