logo

最受歡迎嘅10款韓國交友apps

票選10款韓國人氣最高嘅交友apps!想識靚仔Oppa嘅大家千祈唔好錯過!

HannaVu
4 days ago

Hello,大家好,我哋係由韓國人每日提供最新韓國旅行資訊嘅Creatrip


韓國人生活好忙,好少可以有機會識到公司以外嘅朋友,所以用交友app係真係好平常!大家又知唔知韓國票選最高排名嘅10大交友app有邊幾款呢?如果大家都想識返靚仔Oppa嘅話就記得唔好錯過以下呢啲交友apps啦!



最受歡迎嘅十款韓國交友apps

1. Tinder

韓國交友apps Tinder Korea

相信大家對tinder都唔會陌生,呢個app簡直就係交友app嘅始祖,喺2015年就喺韓國市場上市。以前好多人都會以搵另一半為原因所以玩呢個app,不過而家都有好多人係為咗真係想識異性朋友而用。雖然上市都已經有一段時間,但每個月都keep住有好多用戶,而喺韓國用呢個apps嘅男性,每月更多達96.6%!




2. GLAM

韓國交友apps Glam


GLAM呢個app係喺2016年上市,喺2017年嘅時候更加拎咗Google Play頒發嘅最佳社交媒體軟件獎項。呢個app算係做到好生活化,大家唔單止可以喺上面認識到新朋友之外,仲可以post即時動態!如果大家遇到一啲唔鍾意嘅人,仲可以好似Facebook或者Instagram咁block佢哋添!正正因為呢個app夠容易用同埋夠生活化,所以唔少韓國人都會用佢㗎!




3. HelloTalk

韓國交友apps HelloTalk


其實HelloTalk係一個語言交換app,大家如果想同當地國家嘅朋友練習口語或者傾偈,呢個係一個唔錯嘅選擇,仲可以開chat room同其他人一齊傾!不過唔知由幾時開始,大家就當咗佢係一個交友app。




而家喺網上都可以上到高質韓文堂



4. YEOBOYA

韓國交友apps Yeoboya


YEOBOYA呢個app係專為想結婚或者離咗婚想再婚嘅朋友而設,目前已超過250萬人download過,喺2019年仲獲得ICT Innovation Awards,佢當中仲有一個AI功能係可以幫大家分析同對方結婚指數係幾多%,聽講用呢個app脫單嘅人仲唔少添!




5. Wippy 

韓國交友apps Wippy


另外一個好受韓國人歡迎嘅app就係WIPPY,玩呢個app嘅韓國人大多數都係想識朋友為主,所以都唔需要擔心呢度上面識嘅人會有其他用意。呢個app仲有一個好處就係你可以輸入你自己嘅興趣同埋嗜好等等,咁系統就會自動幫你match返有同一個喜好嘅人俾你識!




6. Noondate

韓國交友apps Noondate


Noondate呢個app係由一間韓國嘅start up公司創辦,如果外國人想要用到呢個app嘅話,喺申請程序上面就有一啲複雜啦。除咗要你打自己嘅簡介之外,系統仲要認證你嘅相,認證成功之後系統就會每日介紹兩個人同你去match,雖然真係有少少複雜,但就可以確保到質素好!




7. Someday

韓國交友apps Someday


Someday呢個app如果係外國人嚟講嘅話,用起上嚟可能會冇咁方便,因為佢需要實名認證先用到。不過小編網上有搵過資料,成功配對到嘅人唔算多,同時有啲功能要俾錢先用到,整體嚟講唔太方便。




8. Tan Tan

韓國交友apps Tan Tan

 

Tan Tan 呢個app喺YouTube成日都會見到佢嘅廣告,只要雙方都match到大家就可以開始傾偈,當中最特別嘅就係有個可以隱藏熟人嘅功能,目前已超過5,000萬人download過呢個app!




9. datalk

韓國交友apps datalk

呢個app除咗可以搵住附近嘅朋友之外,佢最特別之處就係可以搵指定地區嘅朋友(首爾、釜山、大邱、大田、濟州等),唔少用家都話加入簡單,用起上嚟都方便,不過唯一唔好同最多人投訴嘅係個app成日有bug。




10. MEEFF 

韓國交友apps MEEFF


呢個app嘅用戶來自超過190個國家或地區,有超過400萬人次,只要有關注過韓國嘅外國人可能都會用過。你可以set定想識嘅人嘅性別、距離、國籍同語言等,雖然app入面有好多廣告,用嘅時候會覺得有啲唔方便,不過以免費App嚟講都算幾唔錯。




交友Apps使用方法

1. 填個人資料

韓國交友apps
如果想人去了解你,第一件事當然就係寫個人資料,如果寫得好,可以識到嘅人多達60%,如果有埋相就可以拉近同新朋友嘅距離。




2. 用Voice Talk

交友apps

如果覺得打字太悶,而家有啲交友Apps都有新增類似打電話功能,唔需要俾電話號碼都可以聽吓對方聲音傾幾句,話唔定更加有趣。




3. 分享日常

韓國常用交友apps

如果覺得只係個人資料都唔夠,可以分享吓自己嘅日常,例如鍾意做啲咩、去邊度旅行等,展示自己嘅魅力,咁樣更加容易搵到共同興趣嘅人。




4. 小心遇到詐騙

韓國交友apps推介


雖然識到新朋友可能會開心,不過都要小心唔好俾人呃,有啲衰人可能會盜用你嘅相、年齡、學歷等去呃人,甚至仲會要求你俾錢佢,用之前一定要謹慎。



約會前想扮靚啲?





實際約會推薦路線

韓國約會路線

如果喺app度傾覺得對方唔錯,好自然就會轉用Kakao Talk傾偈,因為感覺已經親近咗,而且覺得對方值得信任。


韓國約會行程


如果對方都有好感,通常之後都會去以下地方,大家可以參考吓!



1. 氣氛好嘅餐廳

韓國約會行程推薦


好多時如果第一次見面,韓國人都會搵啲氣氛幾好嘅餐廳,例如通常都會去食西餐,然後開始一日約會行程。

 首爾Fine Dining餐廳首選



2. Cafe

韓國約會行程


食完飯覺得都仲係啱傾,好自然就會去埋Cafe,飲杯咖啡、食住甜品繼續約會。

 韓國靚靚Cafe喺邊度?



3. 附近出名景點

韓國景點

食飽之後當然可以去散吓步,首爾特色景點實在太多,去附近行吓再結束約會都唔錯!


以上呢十個就係韓國人最常用,亦係最暢銷嘅幾個交友軟體,如果大家都想識返啲韓國朋友都可以不妨用吓呢啲app啊!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面



 韓國代購

熱門文章

LoadingIcon
熱門文章