2020最佳韓劇演員
由25位廣播界專家揀出嚟！2020年韓劇最佳演員係邊個？
Hello，大家好，我哋係由韓國人話你知每日最新資訊嘅Creatrip。
#韓國 #韓國演員
#2020 #韓劇 #最佳演員
韓國媒體《新聞1》趁住2020年年尾，問咗25個現職電視臺、演藝企劃公司劇同埋製作公司嘅專家。
呢25個專家揀出咗今年所有韓劇入面表現得最好嘅演員。
佢哋一共揀咗年度演員、新人演員同埋最有默契嘅演員，一齊嚟睇吓有邊個啦！
✨馬上Follow我哋IG
instagram.com/creatrip.hk
2020最佳韓劇演員
年度演員 - 金喜愛 & 朴敘俊
JTBC《夫婦的世界》嘅金喜愛獲得咗16票，喺今年嘅女演員部門入面用壓倒性嘅優勢拎到第一。
金喜愛完美咁演繹咗《夫妻世界》入面因為老公嘅不倫戀而經歷顛簸人生嘅老婆池善宇一角，展現咗極大嘅存在感。
金喜愛用演員特有嘅優雅、魅力，加上投入度高嘅演技獲得咗唔少觀眾嘅好評。
相關人士一致評價話佢係一個值得信賴嘅演員，仲話佢有最好嘅存在感同演技。
唔止咁樣，佢仲通過《夫婦的世界》證明自己係頂級女演員。
而朴敘俊仲被選做年度最佳男演員。
佢喺今年JTBC《梨泰院Class》入面飾演咗主角朴世路。
唔止細膩咁表現出朴世路曲折嘅成長劇，而且作為主角嘅佢抓住咗劇情嘅中心。
呢套電視劇以16.5%嘅收視率成為今年嘅熱門電視劇。
有相關人士表示：「雖然知道佢嘅演技好好，但係無諗過可以做得咁好，係一個具備提高劇情不足點嘅實力演員。」
年度最佳新人 - 韓素希 & 金東熙
喺女新人演員方面，一樣都係透過JTBC《夫婦的世界》躋身明星行列嘅韓素希排名第一。
韓素希喺劇入面飾演同有婦之夫發生婚外情嘅呂多京，同金喜愛、朴海俊等等嘅實力派前輩演員做對手戲，展現咗好大嘅存在感，提高咗劇情嘅緊張感。
佢用高冷嘅表情同魅惑嘅外貌完美咁消化咗角色，展現咗明星氣質。
而喺今年嘅新人男演員部門入面，就由金東熙拎咗第一。
特別係，金東熙喺Netflix《人間課堂》入面扮演捲入犯罪漩渦嘅少年智秀一角。
佢細膩而又充滿爆發力咁描繪咗人物不安嘅內心同埋感情變化，獲得咗唔少好評。
大家都讚佢細膩咁描寫咗年輕嘅不安同埋成長嘅痛。
最佳默契 - 玄彬 & 孫藝珍
tvN《愛的迫降》嘅玄彬同孫藝珍壓倒性咁佔據咗第一名。
兩個人喺劇入面演繹咗北韓軍官同南韓財閥繼承人嘅愛情故事。
兩位巨星嘅相遇就引發咗巨大嘅話題，引嚟唔少嘅關注。
唔少專家都覺得呢一套劇嘅收視率、話題性同埋演技都係頂級A級。
以上呢幾位就係由25個韓國廣播界專家揀出嚟今年做得好嘅演員，大家又覺得點樣呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓星宿舍文化 |  身材好極好40代韓星 |
