朴敘俊嘅6個魅力之處
朴敘俊獨有嘅6個魅力之處！咁多位朴太太又同唔同意？
Hello，大家好，我哋係由韓國人每日提供最新韓國旅行資訊嘅Creatrip。
喺1988年12月16號出世，今年已經34歲嘅朴敘俊喺2011年出道，出現咗唔少好高人氣嘅作品，就好似《三流之路》、《金秘書為何那樣》等等嘅韓劇，相信唔少人都有睇過，特別係早兩年JTBC播出嘅《梨泰院Class》，入面完美咁飾演咗朴世路一角，迎嚟咗全盛時期。據韓國媒體嘅報道，作為大勢明星嘅佢，不斷咁樣接到海外廣告界嘅邀請。朴敘俊超越咗韓國國內，動搖咗全世界Fans嘅心，一齊睇吓佢到底有啲乜嘢魅力之處啦！
朴敘俊嘅6個魅力之處
1. 誘惑女心嘅顏值同埋身材
迷人嘅眼神同埋充滿魅力嘅外貌，令到唔少人都好心動，雖然佢平時望落好cool咁，但係佢一笑嘅時候，就會散發出獨有嘅魅力，甚至佢連身材都非常之完美，之前喺tvN《暑假》入面，仲show咗自己完美嘅古銅色上身。
2. 出色嘅演技
朴敘俊每一套作品都好成功，獲得咗「值得信賴嘅演員」呢一個名銜。
3. 擁有110億建築嘅富翁
喺早幾年春天，朴敘俊用大約110億韓幣買咗位於首爾江南區新沙洞嘅建築。呢幢大廈附近有市內巴士站，同埋盆堂線狎鷗亭羅德奧地鐵站。唔單止咁樣，佢仲擁有位於首爾清潭洞價值58億嘅住宅。
4. 有一顆溫暖嘅心
美貌同能力兼備嘅朴敘俊係一個心地善良嘅人，喺2月份，佢為咗幫助治療冠狀單病患者，向大邱社會福利共同募捐會捐咗1億韓幣。除此之外，佢又為受暴雨災害嘅災民捐咗1億韓幣。
5. 搞怪嘅性格
朴敘俊通過自己嘅YouTube Channel成日都會展現自己搞怪嘅一臉。佢同Fans打招呼嘅時候話「你哋好嗎？」，之後用手摸吓自己塊臉，然後話「油Many, Many」。
6. 一個有義氣嘅人
最後嘅魅力點就係佢嘅義氣。今年3月，孫賢周喺自己嘅Instagram認證咗朴敘俊送嘅咖啡車。朴敘俊為咗支持喺《梨泰院class》入面因為父子關係而合作嘅孫賢周，送咗咖啡應援車。佢仲好有Sense咁寫咗「爸爸，咖啡嘅味道點樣呢？」
以上呢6點就係朴敘俊吸引人嘅魅力之處。唔知大家有冇對佢了解多咗呢？期待之後佢有更多好嘅作品帶俾我哋啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
