Hello，大家好，我哋係由韓國人話你知每日最新韓國旅行資訊嘅Creatrip。
之前都介紹過BTS成員嘅打卡點，今次就到我哋BTS隊長「RM」家鄉啦！佢住喺京畿道一山，離首爾非常行，只要搭地鐵就可以去到，對遊客嚟講真係好方便。如果大家都去爾首爾，不妨都嚟呢度打吓卡啦！
BTS RM一山踩點
RM母校
1. RM中學：新一中學校（신일중학교）
- 地址：경기 고양시 일산서구 고봉로 177
「新一中學」係RM就讀過嘅中學，上圖係體育中心，因為學校係禁止外人進入，大家嚟到一定要靜啲，唔好騷擾到其他人。
大家都知道RM係「腦性男」，他喺中學時期考Toeic就已經拎到850分，喺學校更加係以1%頂尖人而出名。
2. RM小學：五馬小學（오마초등학교）
- 地址：경기 고양시 일산서구 주업로 214
RM讀緊小學嘅時候，已經對Hiphop好有興趣，曾經亦公開自己聽Epik High嘅〈FLY〉而感到相當震驚。
RM同細個真係冇咩點變，一樣都係咁得意同有魅力。
3. RM高中：一山大真高中（일산대진고등학교）
- 地址：경기 고양시 일산서구 대산로 246
RM喺高中嘅時候已經係一位小有名氣嘅地下饒舌歌手，佢出色嘅表現得到Big Hit製作人員注意，而參加大黑甄選。
松鼠村鍋巴燉雞（다람쥐마을 누룽지백숙）
- 地址：경기 고양시 일산동구 애니골길43번길 48
- 時間：11:00至22:00（last order 20:30）
- 交通：京義中央線楓山站（풍산역）2號出口出嚟之後行6分鐘左右
「松鼠村鍋巴燉雞」已經開咗20幾年，同時上過好多唔同節目，係一間好出名嘅餐廳。整棟建築都好有特色，RM曾經都有嚟過。
呢度最少要叫兩人份起，所以小編就同朋友叫咗兩份₩14,900健康定食。
小編冇諗過呢度嘅量可以有咁多，尤其係拌飯嘅小章魚每粒都好新鮮同大粒，其他配菜以青菜、涼拌菜為主，相當健康。
食完飯之後大家亦都可以去2樓拎免費飲品，喺樓梯口就會見到RM簽名。
一山湖水公園（일산호수공원）
- 地址：경기 고양시 일산동구 호수로 731
- 時間：08:00至20:00
「一山湖水公園」唔算好大，大概行一個半至兩個鐘就會行完，食完飯之後好適合嚟呢度散吓步，唔單止RM，之前Jimin亦都有嚟過。
BTS歌曲〈Ma City〉裡面，RM你寫咗關於家鄉嘅歌詞，其中包括一山湖水公園。
한강보다 호수공원이 더 좋아 난
比起漢江，更喜歡湖水公園的我
작아도 훨씬 포근히 안아준다고 널
即使嬌小，也能溫暖的擁抱你
내가 나를 잃는 것 같을 때
當我幾乎遺忘自我時
그 곳에서 빛바래 오래된 날 찾네
到那尋找著久遠褪色的我
曾經RM影低有松鼠出沒嘅櫈，小編一見到都忍唔住跟住打卡。
大家都可以學吓Jimin打卡風格，唔知大家又會唔會影到一模一樣呢？
如果唔講小編真係以為Jimin呢張相係喺外國到影，真係影得好有feel。
如果覺得首爾都玩到悶，不妨試吓去京畿道一山附近玩，順便跟住RM嘅行程打卡啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
