3秒就分到牛奶有冇變壞
韓國討論到好高嘅分辨牛奶方法！用呢2招就可以喺3秒之內分到牛奶有冇變壞！
Hello，大家好，我哋係由韓國人話你知每日最新資訊嘅Creatrip。
#韓國話題 #牛奶
#分辨方法 #使用方法
變咗質嘅牛奶，好難用肉眼去區分，但係有時又唔夠膽飲一啖試吓佢。
咁到底有啲咩方法可以好方便咁樣分到牛奶有冇變壞呢？
最近有2個分辨牛奶嘅方法就喺韓國有好高嘅討論度！一齊嚟睇吓啦！
✨馬上Follow我哋IG
instagram.com/creatrip.hk
分辨牛奶有冇變壞嘅方法
1. 倒入凍水入面
Dispatch
首先喺個杯度倒入凍嘅礦泉水，然後滴一兩滴牛奶入去試一下。
如果牛奶一滴落去就即刻喺水入面好快擴散，唔沈落去嘅話，咁樣牛奶就係變咗質㗎啦！
相反，如果係新鮮冇變質嘅牛奶，就會沉入水入面之後混合埋一齊。
2. 滴喺指甲上面
Dispatch
如果係新鮮嘅牛奶，滴落指甲上面就會保持原形，就好似上面左圖咁。
不過如果係變咗質嘅牛奶就會喺指甲上面散開，就好似右圖咁！
變咗質嘅牛奶可以點樣用？
1. 皮革清潔劑
Dispatch
過咗期嘅牛奶會隨住變質而變成鹹性，以變鹹嘅牛奶對擦皮革嘅製品好有效果㗎！
所以如果咁啱屋企有變咗質嘅牛奶，都唔使額外再買皮革清潔劑，就可以幫皮革做清潔啦！
2. 雪櫃除臭
Dispatch
將變咗質嘅牛奶放入雪櫃，可以變成除臭，因為牛奶入面嘅脂肪成份係可以去除惡臭㗎！
3. 皮膚管理
Dispatch
相信唔使小編講，大家都知道用嚟做皮膚管理都係牛奶嘅一大好處！
唔止新鮮嘅牛奶，其實用變咗質嘅牛奶都可以㗎 ！
用牛奶嚟敷面嘅話，可以同時見到保濕同埋美白兩種效果。
如果到咗夏天好大太陽嘅季節，用牛奶嚟冰敷曬傷咗嘅皮膚，都可以有好好嘅鎮定效果。
4. 拋光劑
Dispatch
喺布上面倒少少變咗質嘅牛奶上去，輕輕咁樣抹下傢俬同埋皮革製品，佢哋就會變得閃閃發光。
另外，一啲已經冇咗光澤嘅金屬製品，如果浸喺變咗質嘅牛奶入面10分鐘左右再沖水，都會變得閃閃發光。
5. 去除原子筆跡
Dispatch
用牙刷濕少少牛奶，喺有原子筆跡嘅部份輕輕咁樣擦一擦，啲筆跡就會完全咁樣消失。
因為喺牛奶變質之後，會變成鹹性，可以中和左原子筆嘅成份。
Naver
以上就係變咗質嘅牛奶可以點樣分辨同埋使用嘅方法啦！
唔知有冇幫到大家呢？
✨馬上Follow我哋IG
instagram.com/creatrip.hk
| 其他延伸閱讀 | |
 丹麥牛奶名畫停產 |  韓國Webtoon推薦 |
