韓國嘅廁所造型建築物
呢一棟建築物嘅設計理念真係一個廁所！連英國媒體都對佢讚不絕口！到底佢嘅真身係乜嘢？
Hello，大家好，我哋係由韓國人話你知每日最新資訊嘅Creatrip。
#韓國 #韓國京畿道
#水原 #廁所 #建築物
喺韓國京畿道水原市有一棟建築物係用廁所嚟做設計理念。
佢仲成為咗水原嘅其中一個旅遊勝地添！到底佢嘅真身係啲乜嘢？一齊嚟睇吓啦！
✨馬上Follow我哋IG
instagram.com/creatrip.hk
廁所設計嘅前水原市長府
Dispatch呢個建築物側邊全部都係玻璃窗封圍住。
由於佢嘅外觀乾淨俐落，所以由出面望落去都好似一間畫廊咁樣。
不過如果要由上面望落去，呢幢建築嘅設計就變得好特別啦！
因為佢白色嘅外圍，而且中間有一個窿，就會令到人哋好自然咁樣聯想到廁所板。
Dispatch
好似廁所咁樣嘅呢一棟建築個名叫做「解憂齋」，係喺2007年竣工。
佢亦都被公認為「最大嘅廁所造型物」，解憂齋係已故嘅前水原市長沈在德（音釋）嘅屋企。
佢嘅特點係，一入屋企門口，前面就有一間磨砂玻璃門嘅廁所。
而呢一幢建築物，係喺佢結束生命之後，佢嘅家屬捐俾水原市嘅。
Dispatch
解憂齋之所以出現廁所嘅形狀，同沈在德有好大嘅關聯。
沈在德佢生前好致力咁發展「美麗的洗手間文化運動」。
喺1999年嘅時候創立韓國洗手間協會，仲擔任咗主席。
佢對廁所嘅愛唔止咁樣添啊！喺2006年佢仲提議要成立「世界廁所協會(WTA)」，第二年係呢一個創立總會上面仲俾人選做首任會長。
沈在德為咗紀念呢一個協會嘅創立，將自己屋企拆咗，改建做而家嘅廁所造型。
好受歡迎嘅旅遊勝地
Dispatch2009年，沈在德病逝之後，佢嘅家屬尊重佢對廁所嘅信念，將呢一棟建築物捐咗畀水原市。
水原市亦都繼承咗呢一個理念，將解憂齋改造成為廁所博物館咁樣營運。
解憂齋喺2018年3月嘅時候，累積嘅訪客人數已經突破咗100萬人，成為咗名副其實嘅水原旅遊勝地添！
Dispatch呢一個博物館入面嘅裝飾全部都係廁所嘅歷史、廁所嘅科學等等。
有關排泄嘅說明亦都好得意，特別係好多家長都會帶埋小朋友過嚟睇！
喺解憂齋出面，仲起咗一個好巨型嘅「便便」雕塑，同一個建築物形成左好獨特嘅配合。
Dispatch唔知大家覺得呢一個建築物得唔得意呢？
英國一間媒體對解憂齋進行報道，亦都對佢讚不絕口。
大家之後嚟韓國旅行嘅時候，都可以去水原睇一睇呢一個咁得意嘅博物館啊！
✨馬上Follow我哋IG
instagram.com/creatrip.hk
| 其他延伸閱讀 | |
 一山新公園 |  BR最暢銷口味 |
