Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國人
#同韓國人拍拖 #韓國約會
相信唔少人都會好憧憬同韓國人拍拖！
一嚟覺得韓國oppa對女仔特別好，二嚟覺得佢哋細心又浪漫！
其實唔單止係我哋鍾意同oppa拍拖，其實韓國人都鍾意同外國人拍拖㗎！
韓國人唔會覺得同外國人拍拖會有Long D嘅問題，反而仲好鍾意添！
今日就等小編同大家分享一下，有咩原因令韓國人咁鍾意同拍拖啦！
✨馬上Follow我哋IG
instagram.com/creatrip.hk
韓國人好鍾意同外國人拍拖？
唔少外國人都可能會認為同韓國人拍拖嘅話，因為會牽涉到Long D嘅問題，會覺得成日冇得見，不過韓國人就唔係咁睇！
根據2019年4月發表嘅某婚禮管理公司嘅問卷調查之中，佢哋訪問咗408個韓國人，當中有多達九成嘅韓國人都覺得同外國人拍拖係冇問題。
喺咁多受訪者當中，有高達88%嘅韓國人都話想另一半係外國人，仲覺得可以學到唔同語言添！
一齊睇下同外國人拍拖有咩好處啦！
1. 製造更多旅遊機會
大家試想像一下如果你嘅另一半係韓國人，咁大家喺一年間就會互相飛去大家嘅國家旅遊！
唔單止去對方嘅國家可以有一個免費導遊，仲可以互相了解當兩個國家嘅文化！
因為大家都會掛住大家，所以都會好好爭取見面嘅時間，一有時間就會去對方嘅國家，咁就會增加一年出遊嘅機會！
2. 有多啲私人時間
如果一對情侶大家係唔同國家嘅人，身處喺同一個地方嘅話咁肯定會成日見面。
雖然成日見面係好事，但好多時都可能因為掛住另一半而冇咗自己嘅時間。
如果同外國人拍拖嘅話，唔係日日都會見面，就會有更多時間去了解自己同埋訓練自己更加獨立！
3.會有多啲驚喜
因為住得遠冇得成日見，大家就會更加珍惜一齊相處嘅時間！
每次見面嘅時候都預備少少心意，就會更加有驚喜。
特別係喺大時大節收到另一半送嘅情侶戒指、手鍊等等一定會好感動啦！
4. 學習語言
正正因為大家係唔同國家嘅人，所以語言都會唔同。
唔少人都會為咗另一半去學對方嘅語言，咁就可以同時為自己增值啦！
5. 學習唔同文化
當你嘅另一半係外國人嘅時候，除咗學習對方嘅語言之外，都會學習埋佢哋嘅文化！
試想像一下如果你識咗個韓國oppa，喺你哋拍拖嘅時候帶埋你一齊去認識韓國文化，例如係「醃泡菜」，浪漫得嚟又學到嘢都唔錯㗎！
6. 可以有兩個國家嘅居留權
如果有機會同到韓國oppa結婚嘅話，除咗自己本身係香港居民之外，仲可以入藉埋對方嘅國家添！
以上六個就係韓國人覺得同外國人拍拖或者結婚嘅好處，唔知大點睇呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國OPPA最浪漫？ |  韓國人平均身高 |