外國人唔鍾意韓國嘅原因
你可能唔知道嘅韓國大小事！揭開外國人唔鍾意韓國嘅不解之謎！
Hello，大家好，我哋係由韓國人每日提供最新韓國旅行資訊嘅Creatrip。
雖然有好多人都鍾意韓國，但亦都有一啲外國人可能因為文化差異，或者係韓國嘅一啲大小事而唔鍾意韓國。小編今日就同大家解讀一下，點解呢一啲外國人唔鍾意韓國啦！呢篇文章係通過網絡搜索到嘅內容同埋個人意見而結合，唔能夠代表所有人嘅意見，所以討論嘅內容都係只供參考！
點解部份外國人會唔鍾意韓國人？
1. 過分注重外表
對於韓國嚟來講外表對佢哋來講係好緊要，好多韓國人都覺得女仔就必須要係有一把長長嘅頭髮、大眼、好纖瘦嘅身材同埋長腿等等。而男仔就一定要有六舊腹肌、要高過1.8米同埋要帶大隻等等。
因為韓國嘅社會壓力好大，所以外貌一般都係比較重要嘅要素之一，但有一啲外國人就唔太理解點解佢哋要過分注重外表。
唔少網民都覺得注重外表係唔緊要嘅，但係如果過分將外表同人比較或者係用佢嚟做競爭嘅話就會有啲唔好受。例如同人相處嘅時候，最緊要係睇佢哋嘅內心，係唔係真心同你相處多過只係睇佢哋嘅外表等等。
2. 韓國社會風氣造成好大壓力
另外一樣就係韓國嘅社會風氣令到韓國人都好大壓力同埋好崩緊，特別係一啲小朋友都已經需要面對好大競爭，由細細個就已經要面對無數咁多嘅壓力。呢一啲壓力大多數係嚟自於考試制度又或者係職場嘅工作模式，好多時上班族可能係返朝頭早9:00到夜晚嘅6:00。
不過，往往佢哋都係要瘋狂開夜車，做晒啲嘢先可以走，加上唔少人都好想入到大企業工作，所以壓力就越嚟越大啦！
唔知大家點睇呢一個韓國嘅社會風氣呢？
3. 階級觀念問題
唔少韓國人都有好重嘅階級觀念，好多時雙方有爭拗嘅時候其實係睇吓理據喺邊一邊，而韓國人好多時就認為比較年長嘅人講嘢就一定啱，年齡比較細嘅人就要聽從大啲嘅人嘅意見。
喺職場工作亦都一樣，老闆講嘅嘢，或者係上司講嘅嘢就一定係啱。即使作為員工嘅你講得冇錯都好，都一定要聽上司嘅意見，久而久之令到外國人都好唔鍾意韓國人嘅呢一啲習性！
4. 永冇翻新嘅機會
喺韓國嘅社會裡面，如果你係犯錯咗一次嘅話就好似冇翻身嘅機會。其實喺演藝界都可以睇得出只有一位藝人做咗啲錯事，經紀公司就會停止晒佢所有嘅活動，久而久之就被雪藏。
無論個情況係點又或者係咪有意都好，只要你衰咗點樣道歉，都好似冇得翻身咁。唔少網民就覺得人誰無過，如果唔係太大嘅錯誤都可以畀一次改變嘅機會佢哋。
5. 韓國人講嘢鍾意兜圈
有一句話叫做 힘들 것 같다係韓國人好鍾意講嘅，其實呢一個意思就即係話好似有啲困難咁嘅意思。
講得直接一啲，其實就即係想拒絕你嘅意思！好多外國人都唔係太明白點解如果韓國人想拒絕人嘅時候唔直接講出立場，反而就會好間接咁樣講嘢，令到好多人都覺得好困擾。
以上五樣就係有啲外國人對韓國或者韓國人唔太滿意嘅地方，唔知大家又點睇呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
