絕對唔會失敗嘅揀士多啤梨竅門
又到士多啤梨嘅季節啦！今日小編就教大家點樣可以揀到靚嘅韓國士多啤梨！
Hello，大家好，我哋係由韓國人每日提供最新韓國旅行資訊嘅Creatrip。
每年韓國一到冬天，無講去到邊周圍都會見到好多士多啤梨，唔理係超市賣嘅，定係Cafe同埋麵包舖呢啲地方所賣嘅甜品或者飲品，都會見到一粒粒紅卜卜嘅士多啤梨！不過大家又會唔會好奇韓國嘅士多啤梨點樣揀先至係最好呢？今日小編就教大家一啲絕對唔會失手嘅揀韓國士多啤梨竅門啦！
冬天梗係要狂食韓國士多啤梨🍓
點樣揀先至啱？
dispatch
大部份人用肉眼揀士多啤梨嘅時候，都會揀又大又紅卜卜嘅士多啤梨。另外，雖然啲士多啤梨都會表面包裝得好好，但相信大家都會拎起聞吓香唔香。不過，就算士多啤梨有好香嘅味道，而且又熟到紅卜卜，都未必一定係最靚㗎！
dispatch
但係我哋買之前又唔可以試食，咁點樣揀先至啱呢？首先，就要睇吓士多啤梨嘅大細平唔平均啦！如果士多啤梨太大粒嘅話， 可能只係得個樣㗎咋！
因為越大粒嘅士多啤梨，裏面嘅水份就可能越唔飽滿，糖度自然就會下降。不過喺種士多啤梨嘅時候，如果花粉授粉效果好嘅話，佢嘅大細同糖度一樣都係咁高。
所以如果一盒入面全部士多啤梨嘅大細都好平均，整體望落去都差唔多嘅話，咁呢一盒絕對係一盒好嘅士多啤梨！
dispatch
就好似圖上面呢一盒士多啤梨咁樣，佢哋嘅大細好唔一樣，大家見到呢啲就唔好揀啦！
越紅就代表越好？
dispatch
大部份人喺揀士多啤梨嘅時候，都會誤會咗越紅就係越好食，但事實上其實唔係咁㗎 ！
dispatch
喺相入面嘅兩粒士多啤梨入面，如果要揀一粒比較好食嘅士多啤梨，相信大部份人都會揀左邊。
不過比起淺色嘅士多啤梨，佢就比較細粒同埋冇光澤，再加上表面嘅絨毛都唔係好完美，喺揀士多啤梨嘅時候，記得要揀表面平均咁樣由種子同埋飽滿嘅絨毛，咁樣就代表粒士多啤梨係好新鮮！
白色部份越多就代表唔熟？
dispatch
仲有一個秘訣！士多啤梨嘅頂部有時都會見到有好多白色嘅部份，見到白色多唔代表唔好食。白色部份同埋紅色部份嘅分界分明，顏色深嘅話會甜啲。當然，成粒士多啤梨都係好平均嘅紅色，加上有光澤感嘅話味道一定會更加好！
dispatch
另外，形狀都好端正，唔會凹凸不平嘅話，佢嘅味道都會好好㗎！如果佢嘅蒂有充足嘅水份咁，綠色鮮明嘅話，咁佢就一定係好新鮮同埋幾時食都好好食。
dispatch
下次嚟韓國想食到又甜又好食嘅士多啤梨要識揀啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
