嚟韓國前要準備嘅嘢？
有啲乜嘢係韓國好難買得到嘅？呢5樣嘢係去韓國生活前一定要準備！
Hello，大家好，我哋係由韓國人每日提供最新韓國旅行資訊嘅Creatrip。
好多人都會好羨慕可以喺韓國生活，因為韓國有好多好方便嘅設施。不過事實上長遠咁樣睇，對於嚟到韓國居住嘅外國人嚟講，有好多好重要嘅嘢係喺韓國買唔到㗎！而家小編就話俾大家知，嚟韓國長時間生活之前要準備啲乜嘢啦！
嚟韓國之前要準備嘅嘢
1. 電腦
喺韓國，為咗長期生活需要準備嘅第一樣最重要嘅嘢就係電腦，特別係嚟呢度留學嘅朋友仔。雖然好多人都認為電腦呢一樣野可以嚟到韓國先至買，因為韓國嘅電腦款式一啲都唔會差！不過喺外國買電腦的確會有佢嘅問題存在，就好似鍵盤上面同埋裏面嘅任何設定都係會用韓文操作系統。如果要喺呢啲系統上面換返新嘅Setting，有機會要用更加多嘅時間同埋更加貴嘅價錢。
2. 手機
喺韓國買手機一啲都唔容易㗎！因為需要用到韓國嘅信用卡同埋簽證先至可以買，而且喺韓國買手機嘅價錢比起香港更加貴。另外，韓國買嘅手機同埋iPad呢啲產品，喺影相嘅時候都會有「咔嚓」一聲。
因為呢一個係韓國個人權利侵犯防止法嘅規定，為咗防止偷拍，所有電子產品影相嘅時候都需要由呢一刻快門聲。
3. 必需嘅藥物
雖然韓國周圍都係藥局，但係因為我哋唔熟悉韓國嘅藥，真係病咗嘅時候都唔知道應該買邊一隻先好。加上大部份嘅藥都只係用韓文去標示，而且要買特定嘅藥物嗰陣，一定要有醫院嘅處方先至可以買得到。
4. 國際車牌
對外國人嚟講，國際車牌喺韓國都好重要㗎！雖然喺韓國都可以考車，而且價格比起香港考更加平添！不過中間都仲要進行一啲複雜嘅程序先至可以喺韓國考到車牌，同埋都要做好多手續先至可以將韓國嘅車牌轉做香港車牌。所以原本有香港車牌嘅大家，去韓國生活之前一定要申請埋國際車牌啊！
5. 食物&調味料
最唔可以缺少嘅就係食物同埋調味料，韓國好多嘢食都係比較重口味，長時間食得耐都會覺得好厭。當你好掛住香港嘢食嗰陣，如果當時去韓國嘅時候有帶過去，就完全唔使驚啦！
大家睇完之後又同唔同意呢？或者大家覺得去韓國生活之前有啲乜嘢係一定要準備㗎呢？歡迎留言話俾我哋知啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
