DispatchHello，大家好，我哋係由韓國人話你知每日最新韓國資訊嘅Creatrip。
#韓國文化 #韓國泡菜
#自製泡菜 #注意事項
喺韓國一接近冬天，每家每戶就會開始準備自己喺屋企醃泡菜。
不過原來醃泡菜嘅時候用嘅工具都好有要求㗎！
好多人一直以嚟都嘅「紅色膠盆」原來係唔用得，一齊嚟睇下點解啦！
✨馬上Follow我哋IG
instagram.com/creatrip.hk
醃泡菜點解唔可以用膠盆？
수원시청
每年一踏入11月尾至到12月頭，韓國嘅屋企就會成家人聚埋一齊自製「越冬泡菜」， 為咗迎接寒冷嘅冬天已準備大量醃製嘅蔬菜同埋發酵嘅韓式食品。
同大家講一個TMI！每年韓國人喺早五晚三餐會食嘅泡菜大約有150萬噸。
喺2011年嘅時候有一份問卷調查指出，超過咗70%嘅韓國家庭仍然堅持每年會自己醃泡菜㗎 ！
呢一個傳統習俗更加被列入喺「 聯合國教科文組織人類非物質文化遺產名錄」入面添。
喺用鹽醃製大量白菜或者製作調味料嘅過程入面，韓國人原本都會成日用「紅色膠盆」。
不過，有專家指出呢種膠盤係有可能會有重金屬污染，非常之危險！
最近，韓國食品醫藥品安全處（食藥處）喺醃泡菜嘅季節公開咗「食品烹飪機構嘅正確選擇同使用方法」。
食藥處表示，一般家庭成日會用嘅「紅色膠盆」係用回收原料製造出嚟嘅器具，可能會有鉛或者鎘等等嘅重金屬。
喺製作泡菜嘅過程入面可能會受到重金屬污染，所以就需要注意啦！
特別係鎘會引發呼吸困難等等嘅徵狀，係1級致癌物質。
수원시청
食藥處建議大家醃泡菜嘅時候，用合成樹脂材質或者不鏽鋼材質嘅器具。
除咗膠盆之外，醃製泡菜用嘅墊、瓢、塑膠手套等等醃泡菜要用到嘅輔助工具都只可以用包裝上面標明係「食品用」嘅產品。
食藥處解釋話，如果一定要用「非食品用」嘅產品，就一定要喺入面鋪上食品用嘅塑料，防止食材直接接觸。
쿠팡小編都留意到今年好多韓國朋友嘅屋企，喺醃泡菜嘅時候都轉用咗相入面呢種膠墊。
雖然香港嘅大家應該好少會自己喺屋企落手落腳醃泡菜。
不過如果之後有機會親手整嘅話，記得要留意自己有冇用啱工具啊！
✨馬上Follow我哋IG
instagram.com/creatrip.hk
| 其他延伸閱讀 | |
 6位混血韓星 |  男韓星理想型 |