夢到呢啲情景即係有機會出Pool？
就到情人節想出pool？只要夢到呢6個夢境出pool可能性極高？
Hello，大家好，我哋係由韓國人每日提供最新韓國旅行資訊嘅Creatrip。
就到聖誕節，唔想自己一個人孤伶伶咁過，係唔係想搵返個伴？所以小編整咗一啲韓國人話，只要夢到呢啲情境，就有可能有機會出pool！唔好理機會大唔大先，至少夢到已經係成功嘅開始，時不宜遲即刻睇下有咩夢啦。
夢到呢啲情景即係有機會出Pool？
1. 夢到月亮
韓國有個講法係，如果夢到月亮，即係同另一半或緣份有關。好多韓國人認為夢到月亮，即係有暗示另一半好快會出現。不過如果大家係有另一半，月亮越光即係代表好快會結婚或者可能係有咗BB。
2. 夢到去人哋婚禮
夢到去人婚禮當然都係一件開心事，同時暗示緊可能好快有好事發生。如果係單身嘅你，夢到呢個情景，即係話大家可以好快有另一半，同時可能會同呢個人行一世。同時亦可以解釋最近可能一啲困難嘅事，都可以好易解決。
3. 咬住花嘅夢
韓國有個解釋係只要夢到花，好多時都一定係好夢。特別係如果夢到自己咬住花，即係暗示緊嚟緊會認識到好多唔同嘅人。同時如果係單身嘅你，即係好快會有一個可以同你行一世嘅人出現。
4. 夢到鞋
鞋喺夢有個解釋係另一半或緣份咁解。無論係買到新鞋、定係著緊鞋，又或者收到鞋都係一樣有咁嘅意思。
5. 偷寶石嘅夢
喺夢中寶石係指願望同重要嘅人咁解，如果夢到自己去偷寶石，即係好快你嘅願意就會實現，特別係單身嘅你，即係好快有另一半會出現。
6. 夢到火
好多時可能會覺得火咁危險一定唔係好夢，不過現實同夢中，有好多時都係相反，喺夢中見到火即係代表好快會有另一半，同埋可以解釋將會喺事業上有好事發生。
雖然唔知係唔係真，不過韓國人話想出pool，都會想夢呢啲，就到情人節又想搵到另一半嘅話，不妨都可以試下！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
