韓國便利店嘅一位天使
一間拯救自我隔離者嘅便利店，老闆背後嘅動機原來充滿洋蔥！
Future Korea
Hello，大家好，我哋係由韓國人話你知每日最新韓國資訊嘅Creatrip。
#COVID-19 #自我隔離
#便利店 #天使 #好人好事
而家喺韓國COVID-19仲係處於一個嚴重嘅狀態，每日都有超過100種新增嘅確診個案。
不過韓國政府喺隔離措施方面都做得唔錯。
所有同確診者有接觸過，或者有去過同一個地方嘅人都需要接受檢疫同埋自我隔離。
最近，就有一單關於自我隔離人士同埋便利店之間好溫暖嘅新聞。
呢件事喺韓國人之間都廣泛流傳緊，等小編話俾大家知發生咩事啦！
✨馬上Follow我哋IG
instagram.com/creatrip.hk
韓國便利店嘅一位天使
喺今年嘅10月2號，住喺韓國京畿道光州24歲嘅鄭雄(音釋)收到韓國保健所接嘅通知，話佢同一個COVID-19嘅確診者嘅活動路線重疊咗，所以佢都要接受隔離。
第二日，佢因為有頭痛同埋咳嘅症狀而去接受檢查，之後就翻屋企開始咗自我隔離。
到咗屋企之後，佢因為唔舒服就即刻瞓着咗，直到半夜先醒。
不過佢到瞓醒個刻先發現屋企冇水飲。
因為佢係離開家鄉一個人住，所以都冇屋企人同朋友可以幫到佢手。
就係因為咁樣，佢就打電話去平時成日去嘅便利店，同便利店講咗佢自己嘅情況，希望便利店可以幫手將水放喺佢屋企門口，等佢之後可以拎。
過咗一陣，佢見到便利店嘅人放喺屋企門口嘅膠袋，除咗礦泉水，仲有麵包同牛奶。
佢打電話去問便利店老闆，得到嘅回覆係「唔好唔食嘢，要快啲好返」。
呢位老闆嘅善心仲要唔止一次，老闆喺第二日再放咗礦泉水同埋裝滿幾日份量嘢食嘅袋喺事主屋企門口。
對於呢件事，韓國電視台YTN親自去咗訪問呢位便利店嘅老闆。
便利店老闆話呢個隔離緊嘅後生仔唔係同屋企人一齊住，又唔可以離開屋企，因為自己都係媽媽嘅身份，所以知道咗之後就好自然咁照顧佢。
仲講到便利店老闆咁樣照顧陌生嘅客人，背後嘅動機原來係一個充滿洋蔥嘅故事。
便利店老闆原本係同佢嘅大仔一齊經營呢間便利店，但大仔因為1年前勸阻同寵物狗一齊入舖頭嘅男人，結果畀個男客人嚴重毆打佢，直到而家仲接受緊治療。
老闆表示當時真係好辛苦，但多得班熟客同埋小區嘅居民比咗好大嘅力量畀佢，先可以堅持落去。
便利店老闆覺得而家大家因為COVID-19都好辛苦，希望大家可以互相幫助。
佢嘅便利店以後都唔係一間淨係做生意嘅舖頭，而會為咗打造一個溫暖人心嘅舖頭而努力。
人同人之間只要每個人都肯行多一步，唔去計較利益，呢個世界就會變得溫暖好多！
唔知大家對呢件事又有啲乜嘢睇法呢？
希望呢位老闆都可以同小區嘅居民仲有客人一齊打造一個溫暖嘅社區。
✨馬上Follow我哋IG
instagram.com/creatrip.hk
| 其他延伸閱讀 | |
 韓國首個AI主播 |  海陸兩用巴士 |
