韓國獨有節日
大家有冇聽過呢啲韓國獨有嘅節日？點解3月3號大家都會話要食燒肉？
Hello，大家好，我哋係由韓國人每日提供最新韓國旅行資訊嘅Creatrip。
雖然韓國有好多節日都同香港好相似（例如：新年、萬聖節、聖誕節等等）。不過其實韓國都有好多獨有嘅節日係香港冇嘅，等小編同大家介紹幾個只係韓國獨有嘅節日啦！
韓國獨有節日
一月十四號：日記簿日 （다이어리데이）
香港一年就只有兩個情人節，分別係2/14 同埋 3/14 號，但其實韓國每個月嘅14號都係情人節，就好似每年嘅1/14就係日記簿日，因為一月份係新一年嘅開始，所以好多戀人都會喺呢一日送一本日記俾對方。呢個做法係寓意佢哋可以將佢哋呢年嘅計畫寫低，紀錄佢哋呢一年要一齊做啲咩！
小編覺得呢個都係一個幾唔錯嘅方法去計劃方法，唔單止浪漫，亦都好實用！
三月三號：五花肉節日
其中一種最流行韓食就係韓燒，大家嚟到韓國都一定要去食烤五花肉！不過大家知唔知道點解設呢一日為五花肉節呢？其實就係因為五花肉嘅韓文係삼겹살 (Samgyeobsal) 同中文三(삼)嘅發音一樣，所以就將3/3 命名為五花肉節啦！好多燒肉店喺呢一日都會推出好多優惠俾大家。
四月十四號：炸醬麵日
呢個節日都好特別，就係專係俾啲喺14/2 同埋14/3冇收到情人節禮物嘅人慶祝。收唔到禮物嘅單身人士就會一齊食黑色炸醬麵，所以呢個節日主要係用嚟同情啲單身狗><。啲韓國人唔只會一齊食炸醬麵以表示單身，仲會一齊黑色衫表示單身添！
十月九號：韓文節
韓文最早嘅起源可以追溯返去1446年，當時世宗大王頒布咗《訓民正音》，象徵住韓文（韓諺文）嘅誕生。喺設立呢一日之前，雖然韓國人都係講韓文，但其實冇屬於佢哋自己嘅文字，而係用漢字書寫，不過其實當時只有上流階層嘅人先可以用學漢字。當時世宗大王覺得全韓國嘅人都應該要有共通嘅語言，所以就創造咗韓文字。
世宗大王覺得韓文字係好唔容易先可以創造到出嚟，所以喺1928年嘅10月9號就設定為「韓文節」啦！
十一月八號：胸罩日
大家知唔知點解韓國會將呢一日設定為胸罩日呢？其實係因為同胸罩嘅樣貌好有關係，主要係因為胸罩兩邊嘅肩帶同埋胸罩嘅形狀好似11同埋8字，所以就定咗呢一日為胸罩日。呢個節日其實喺2005年就開始宣傳，由嗰陣開始，每逢十一月頭開始韓國每一間賣內衣嘅舖頭都會做好多優惠吸引人！
以上呢五個節日就係其中五個韓國獨有嘅節日，唔知大家有冇聽過呢？歡迎大家留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
