韓國人11/11會做咩？
單身冇有怕！11/11唔係光棍節！而係Pepero Day！韓國人喺呢日會做咩？
Hello，大家好，我哋係由韓國人每日提供最新韓國旅行資訊嘅Creatrip。
大家知唔知道今日係咩日子呢？喺韓國四條一意味住嘅唔係光棍節，所以單身狗唔使咁擔心！而呢個日子就係Pepero Day，等小編同大家介紹下呢個節日韓國人會做咩啦！
點解 11/11 叫Pepero Day？
大家知唔知道點解11/11叫Pepero Day呢？其實原因好簡單，就係因為1呢個數字好似百力滋，而百力滋嘅韓文就係叫Pepero 빼빼로，正正係因為咁，所以韓國就叫呢日為Pepero Day 빼빼로데이 啦！
1. 買百力滋送俾朋友
每年嘅11/11，韓國嘅街頭都會擺滿好多百力支，仲會有好多唔同味道，唔同造型嘅百力支賣！適逢呢個節日，唔少韓國人都會買一大堆自己食應下節，或者買嚟送俾朋友，唔講唔知，其實送百力支俾人係有個寓意㗎！因為每一條百力支都好幼，所以係祝福收到百力支嘅人條腰可以好似佢咁幼！
2.自製百力滋/朱古力
呢一日其實就好似情人節咁，唔少有另一半嘅朋友都會襯住呢一日自己整朱古力百力滋送俾另一半。除咗百力滋之外，都會連埋朱古力一齊送俾男朋友，表達愛意！啲韓妹真係好有心思，佢哋仲會寫埋心意卡添㗎！
3. 同心儀嘅人表白
韓國一年已經有12個情人節，但其實唔止㗎，呢一日都係算係情人節！好多男士都會喺11/11主動出擊，希望可以俾個驚喜心儀嘅女仔，取得美人歸！如果睇緊呢篇文嘅你都有心儀對象，快啲把握呢個機會啦！
4. 著情侶裝
其實韓國係一個放閃風氣好重嘅國家，佢哋一到大時大節就一定會同另一半一齊著情侶裝！除咗想營造甜蜜嘅感覺之外，仲想同大家講「我有拖拍啊」咁樣！正正因為咁，11/11呢日你都會見到街上面有好多人有另一半嘅人會以情侶裝視人！
5. 商戶推出優惠
唔少商家都好識做生意，無論係做緊邊行零售嘅人都會襯著呢一日做大減價。咁多優惠，男仔們識做啦，快啲揀返份禮物送俾你哋嘅心儀對象啦！唔知大家有冇對Pepero Day了解多咗呢？希望大家今日都可以過一個嘅開心係嘅Pepero Day 啦！
如果有更多想知嘅內容，都可以隨時留言或者dm話俾我哋知：）
Mail：help@creatrip.com
